રાજસ્થાનના ડુંગરપુર જિલ્લામાંથી એક આશ્ચર્યજનક કિસ્સો સામે આવ્યો છે. જ્યાં એક સાવકી માતાએ તેના બે નિર્દોષ બાળકોને પાણીથી ભરેલા ટપમાં ડુબાડીને મારી નાખ્યા હતા અને ત્યારબાદ બંને બાળકોના મૃતદેહને દફનાવી પણ દીધા હતા. આ ઘટનાની જાણ થતા વિસ્તારમાં ખળભળાટ મચી ગયો છે.
આ ઘટના ડુંગરપુર જિલ્લાના રામસાગડા પોલીસ સ્ટેશન વિસ્તારના શરમ ગામની છે. મહિલાએ બાળકોની હત્યાની વાત કબૂલી લીધી છે. પોલીસે મહિલાને કસ્ટડીમાં લઇ લીધી છે અને તેની પૂછપરછ કરી રહી છે. પોલીસ નિર્દોષ બાળકોની હત્યા પાછળનું કારણ જાણવા પ્રયાસ કરી રહી છે.
પોલીસના જણાવ્યા મુજબ શરમ ગામમાં રહેતી બદ્રી ફેરાની પહેલી પત્ની તેને છોડીને જતી રહી હતી. જેની સાથે તેના બે બાળકો, એક 3 વર્ષનો પુત્ર અને 5 વર્ષની પુત્રી છે. પત્નીના ગયા બાદ બદ્રી પણ દુર્ગાને બીજા લગ્ન કરીને તેના ઘરે લઈને આવ્યો હતો. પહેલી પત્નીનાં બંને બાળકોને પણ આ સાવકી માતાએ ઉછેરવા લાગી હતી. પરંતુ બે વર્ષ પછી અચાનક મહિલાએ બંને બાળકોની ઘણી નિર્દયતાથી હત્યા કરી દીધી.
આ ઘટના 3 જૂનના બની હોવાનું જણાવવામાં આવી રહ્યું છે, મહિલા પહેલી પત્નીના સાવ-નિર્દોષ બાળકો સાથે ઘરે જ હતી. આ દરમિયાન તેને પ્લાસ્ટિકના ટપમાં પાણી ભરી દીધું અને બંને નિર્દોષ બાળકોને એક પછી એક ડૂબીને મારી દીધા. એટલું જ નહીં, બાળકોના મૃતદેહને સામાન્ય મૃત્યુ હોવાનું જણાવી દફનાવી પણ દીધા હતા અને 5 જૂને મહિલા ઘરમાંથી ગાયબ થઈ ગઈ હતી.
બીજા દિવસે તે ઘરે પાછી આવી ત્યારે તેને આખી ઘટના પરિવારના સભ્યોને કહી દીધી હતી અને જોરજોર થી રડવા લાગી હતી. મહિલાએ તેના પરિવારજનોને કહ્યું હતું કે તેને આ સાવકા બાળકોને દેખરેખ રાખવાથી બચવા માટે તેને આ હત્યા કરી દીધી હતી. પરિવારજનોએ આ બાબતે રામસાગડા પોલીસ મથકે જાણ કરી હતી.
આ ઘટનાની સૂચના પર સોમવારે રામસાગડા પોલીસ મથક સમય પર મળી અને ઘટના અંગે માહિતી મેળવી. જયારે, એસડીએમની હાજરીમાં દફનાવવામાં આવેલા બંને બાળકોના મૃતદેહને બહાર કાઢવામાં આવ્યા હતા. મૃતદેહ જુના હોવાને કારણે સડી ગયેલા અને ગંધ આવવા લાગી હતી. આ કેસમાં પોલીસે આરોપી સાવકી માતાને કસ્ટડીમાં લઇ લીધી છે. અને આ મામલે પોલીસે તપાસ શરૂ કરી છે.
પોલીસે બંને માસૂમ બાળકોનું પોસ્ટમોર્ટમ કર્યા બાદ લાશને મોર્ચરીમાં રખાવી દીધી છે. હત્યાનો ગુનો નોંધી પોલીસે આરોપી સાવકી માતાની ધરપકડ કરી તેની પૂછપરછ કરી રહી છે.