વડા પ્રધાન નરેન્દ્ર મોદી દ્વારા ભૂમિ પૂજન પછી હવે અયોધ્યામાં ભવ્ય રામ મંદિરનું કામ શરૂ થઈ ગયું છે. મંદિરનું નિર્માણ કાર્ય ખૂબ જ ઝડપથી ચાલી રહ્યું છે. અયોધ્યામાં રામ મંદિર સિવાય એક મસ્જિદ પણ બનાવવામાં આવી રહી છે. અયોધ્યાના સોહવાલ તહસીલના ધનીપુર ગામમાં પાંચ એકર જમીનમાં બનાવવામાં આવી રહેલ છે. આ મસ્જિદની ડિઝાઇન અદ્યતન ટેક્નોલોજીને ધ્યાનમાં રાખીને બનાવવામાં આવી છે.
આ દરમિયાન જાણવા મળ્યું છે કે, અયોધ્યામાં બનાવવામાં આવનાર મસ્જિદ મોગલ શાસક બાબરને સમર્પિત કરવામાં આવશે નહીં. મસ્જિદનું નામ પ્રખ્યાત સ્વાતંત્ર્ય સેનાની અને ક્રાંતિકારી મૌલવી અહમદુલ્લાહ શાહ ફૈજાબાદિના નામ પર રાખવામાં આવશે, જેનું 164 વર્ષ પહેલાં મૃત્યુ થયું હતું.
ઇન્ડો ઇસ્લામિક કલ્ચરલ ફાઉન્ડેશનના જણાવ્યા અનુસાર, ફૈઝાબાદીએ 1857 ની ક્રાંતિ પછી અવધને બ્રિટિશ વર્ચસ્વથી મુક્ત રાખવા માટે બે વર્ષથી વધુ સમય સુધી ‘ સ્વતંત્રતા દીવાદાંડી’ પ્રગટાવી હતી. એવામાં મસ્જિદ, મ્યુઝિયમ, હોસ્પિટલ અને સામુદાયિક રસોડા સહિતના આખા પ્રોજેક્ટને મૌલવી અહમદુલ્લાહ શાહ ફૈજાબાદિને સમર્પિત કરવાનો નિર્ણય લેવામાં આવ્યો છે.
આ મસ્જિદમાં બનાવવામાં આવનાર મ્યુઝિયમ દ્વારા ઇન્ડો ઇસ્લામિક કલ્ચરલ ફાઉન્ડેશનના સેક્રેટરી અતહર હુસેનના જણાવ્યા અનુસાર, બતાવવામાં આવશે કે હિન્દુઓ અને મુસ્લિમો બંનેએ ભારતની આઝાદીની લડતમાં એક-એક પગલું ભર્યું હતું અને તમામ લોકોએ બ્રિટીશ સામે એક થઈને આઝાદી છીનવી લીધી હતી. અતહર હુસેન માને છે કે, હિન્દુ-મુસ્લિમ ભાઈચારોનું પ્રતીક મૌલવી અહમદલ્લાહ શાહ ફૈઝાબાદિને આઝાદીના પ્રથમ યુદ્ધના 164 વર્ષ પછી તેમને તેમનો હક મળવા જઈ રહ્યો છે.
સંશોધનકાર અને ઇતિહાસકાર રામશંકર ત્રિપાઠીનું કહેવું છે કે, તેઓ ભલે મુસ્લિમ હતા પણ તે ફૈઝાબાદની ધાર્મિક એકતા અને ગંગા-જમુની સંસ્કૃતિના પ્રતીક પણ હતા. એટલું જ નહીં, 1857 ના બળવામાં કાનપુરના નાના સાહેબ, અરારહના કુંવરસિંહ જેવા લોકો પણ મૌલવી અહમદુલ્લાહ શાહ સાથે રહીને લડ્યા.
અયોધ્યામાં નિર્માણ પામી રહેલી આ મસ્જિદ માટે વિદેશી ભંડોળનો માર્ગ પણ સાફ થઈ ગયો છે. મસ્જિદને 80-જીનું પ્રમાણપત્ર મળી ગયું છે. આ પ્રમાણપત્ર આવકવેરા કાયદાનો તે વિભાગ છે, જે વિદેશથી નાણાકીય સહાય પૂરી પાડનાર લોકોને આવકવેરામાંથી મુક્તિ આપે છે.