જાણો…રાજ્યના નવા સીએમ ભૂપેન્દ્ર પટેલ કેટલા કરોડ ની સંપત્તિના આસામી છે?

રાજ્યના નવા મુખ્યમંત્રીના નામની જાહેરાત કરી દેવામાં આવી છે. રાજ્યના આગામી મુખ્યમંત્રી તરીકે ભૂપેન્દ્ર પટેલનું નામ જાહેર કરવામાં આવ્યું છે. ગાંધીનગરમાં રવિવારના ભાજપ ધારાસભ્ય દળની બેઠકમાં આ નિર્ણય લેવામાં આવ્યો છે. તેઓ અમદાવાદની ઘાટલોડિયા વિધાનસભા બેઠક પરથી 2017 માં વિધાનસભા ચૂંટણી પણ જીત્યા હતા. જયારે પ્રથમ જ વખત ધારાસભ્ય બન્યા છે અને તેમની હવે રાજ્યના મુખ્યમંત્રી તરીકે ભાજપના હાઈકમાન્ડ દ્વારા પસંદગી કરવામાં આવી છે.

જ્યારે ભૂપેન્દ્રભાઈ રજનીકાંતભાઈ પટેલે વર્ષ 2017 ની વિધાનસભા ચૂંટણીમાં ઘાટલોડિયા બેઠક પરથી કોંગ્રેસના ઉમેદવાર શશિકાંત પટેલને રેકોર્ડ 1.17 લાખ વોટથી હરાવ્યા હતા. તેની સાથે 2017 ની વિધાનસભા ચૂંટણીમાં ભાજપના કોઈપણ નેતા કરતા આ સૌથી મોટી જીત પણ હતી. તેઓ પ્રથમ વખત ધારાસભ્ય બન્યા હતા. તેઓ આ અગાઉ ક્યારેય પણ મંત્રી બન્યા નથી.

તેમની વાત કરવામાં આવે તો, 2017 ની વિધાનસભા ચૂંટણીમાં ઘાટલોડિયા વિધાનસભા બેઠક પરથી પોતાનું ઉમેદવારી પત્ર ભરતી વખતે તેમણે 2016-17 માં પોતાની કમાણી લગભગ 30 લાખ રૂપિયા, પત્નીના નામ પર લગભગ 3 લાખ રૂપિયા અને એક સંતાનના નામ પર લગભગ 2 લાખ રૂપિયા હોવાનું જણાવ્યું હતું.

જ્યારે તેમણે પોતાની પાસે 1,51,17,65.84 રૂપિયાની અને પત્નીના નામે 71,9,081.34 રૂપિયાની ચલ સંપત્તિ બતાવી હતી. તેમ છતાં બંનેની સંયુક્ત માલિકીની 22,11,727 રૂપિયાની ચલ સંપત્તિ દર્શાવાઈ હતી. તેમના એફિડેવિટ અનુસાર, તે સમયે 1,15,431 રૂપિયાની તેમની બેંક ડિપોઝિટ રહેલી હતી. જ્યારે પત્નીના નામે 63,627.34 રૂપિયાની ડિપોઝિટ રહેલી હતી. જ્યારે સંતાનના નામે 80,699.34 રૂપિયા ડિપોઝિટ રહેલી હતી.

હાલના સમયે તેમની પાસે 1.23 કરોડ રૂપિયાની વિમા પોલિસીઓ અને પત્નીના નામે 16 લાખ રૂપિયાની વિમા પોલીસી હોવાનું તેમણે દેખાડ્યું હતું. આ સિવાય તેમણે 8.50 લાખ રૂપિયા અન્યોને ઉધાર આપ્યાનું અને તેમની પત્નીએ 29.37 લાખ રૂપિયા ઉધાર આપ્યાનું કહ્યું હતું. તેમણે પોતાની પાસે એ સમયે એક હુંડઈ આઈ 20 કાર હોવાનું અને તેની કિંમત 7.29 લાખ રૂપિયાની આજુબાજુ દર્શાવી હતી.

આ સિવાય પોતાની પત્ની પાસે હોન્ડા એક્ટિવા હોવાનું અને તેની કિંમત 42 હજારની આજુબાજુ દર્શાવી હતી. તેમણે પોતાની પાસે 16.75 લાખના ઘરેણાં અને પત્ની પાસે 25 લાખની આજુબાજુના ઘરેણા હોવાનું જાણકારી આપી હતી. આ સિવાય તેમણે કહ્યું હતું કે, તેમની પાસે મકાન સિવાય અન્ય પ્રોપર્ટી મળી કરોડોની કિંમતની મિલકત હોવાનું તેમણે એફિડેવિટમાં દર્શાવ્યું હતું.