સુરતના વેસુ વિસ્તારથી શરમજનક ઘટના સામે આવી છે. જેમાં પતિથી અલગ રહેનાર પત્નીએ તેના કથિત પ્રેમી સાથે પતિને ઢોરમાર માર્યો હોવાનું ઘટના સામે આવી છે. જ્યારે પતિને સારવાર માટે હોસ્પિટલમાં ખસેડવામાં આવ્યો છે. જેમાં જાણવા મળ્યું છે કે, પત્ની ઘરકલેશથી કંટાળીને અલગ રહેતી હતી.
આ ઘટનામાં જાણવા મળ્યું છે કે, પતિ કહ્યું છે કે, બુધવારની સાંજે પત્ની જિમ-ટ્રેનર સાથે કારમાં બેઠેલી હતી. તે સમયે મેં તેને રંગેહાથ ઝડપી પાડ્યા અને કારનો કાચ ખખડાવ્યો તો તે ત્યાંથી નાસી ગયા અને મેં તેમનો પીછો કર્યો તો બંનેએ મને ઢોરમાર માર્યો હતો. ચેલા એક વર્ષથી પત્ની દીકરી સાથે અલગ રહી છે. કોર્ટના ઓર્ડર બાદ પણ દીકરીને તે મળવા દેતી નથી. પોલીસ દ્વારા પતિને માર આપતા ગુનો દાખલ કરી વધુ તપાસ હાથ ધરવામાં આવી છે.
પીડિત પતિ દ્વારા પોલીસ ફરિયાદમાં જણાવવામાં છે કે, મારી પત્નીની કાર ઊભેલી હતી અને તેની બાજુમાં બીજી ઊભેલી કાર ચાલુ હાલતમાં રહેલી હતી. એમાં તપાસ કરી તો મારી પત્ની કોઈ બીજા સાથે જોવા મળી હતી. આથી મે કાચ ઠપકાર્યો, પરંતુ તેમણે દરવાજો ખોલ્યો નહોતો અને ગાડી રિવર્સ લઈને ભાગી ગયા હતા.
જેથી મે કારનો પીછો કર્યો અને તેમની કાર અટકાવીને મેં બન્ને પૂછ્યું કે, તમે ગાડીમાં શું કરી રહ્યા છો. ત્યાર બાદ કારમાંથી તેમણે બન્નેએ નીચે ઊતરીને મને મારવાનું ચાલુ કરી દીધું હતું. ગાળાગાળી કરી જિમ-ટ્રેનરે મારી નાખવાની પણ ધમકી આપી દીધી હતી. આ દરમિયાન મારી પત્ની પણ જોર-જોરમાં કહેવા લાગી હતી કે હવે હું તારી પત્ની નથી અને આને મારો એમ કહી તેણે પણ હાથથી મને તમાચા મારવાનું શરુ કરી દીધું હતું. લોકો દ્વારા પોલીસને જાણ કરવામાં આવી તો પોલીસ પ્રાથમિક તપાસ શરુ કરી દીધી હતી.
આ બાબતમાં યોગેશ જગદીશભાઈ અગ્રવાલે કહ્યું છે કે, તેઓ મિલકત લે-વેચના કામકાજ સાથે સંકળાયેલા રહેલા છે. 10 વર્ષ અગાઉ તેમનાં લગ્ન થયા હતાં. તેમને પરિવારમાં એક દીકરી પણ છે, પરંતુ પારિવારિક ઘરકંકાસના કારણે પત્ની છેલ્લા એક વર્ષથી દીકરીને લઈ અલગ વસવાટ કરે છે. પત્નીએ મારા પર દહેજ માગવાનો કેસ દાખલ કર્યો છે. દર મહિને ઘર ખર્ચના 1.10 લાખ પણ માગી રહી છે. મેં દીકરીને મળવા કોર્ટમાંથી ઓર્ડર મેળવ્યા છે છતાં દીકરીને મળવા પણ દેતી નથી.
બાદમાં મને જાણ થઈ કે, પત્નીની જિમ-ટ્રેનર સાથે અફેરમાં રહેલી છે. માત્ર, આ વાતને સાબિત કરવા હું એના પર વોચ રાખી રહ્યો હતો. બુધવારની રાત્રે હાઈટેક બિલ્ડિંગ નજીક હોવાની જાણ થયા બાદ હું અચાનક ત્યાં પહોંચી ગયો અને બન્નેને મેં કારમાં જોઈ લીધા હતા. ત્યાર બાદ મેં કારનો દરવાજો ખખડાવ્યો અને તેમનો કેમેરા વડે વિડીયો ઉતાર્યો તો બંનેએ મને ઢોર માર માર્યો હતો. ત્યાર બાદ પોલીસ ટીમ ત્યાં આવી જતા મામલાને ઠારે પાડ્યા બાદ આ બાબતમાં વધુ તપાસ હાથ ધરવામાં આવી છે.