બોલિવૂડ એક્ટર અક્ષય કુમાર દેશના ટોચના કલાકારોમાંથી એક છે. અક્ષય તેની ફિટનેસ માટે જાણીતો છે. અક્ષય પાર્ટીઓમાં ઓછો અને જોગિંગ અને એક્સરસાઇઝ કરતી વખતે વધુ જોવા મળે છે. અક્ષયની ફિલ્મોને દેશભરમાંથી ઘણો પ્રેમ મળે છે. અભિનેતાની ફિલ્મો બોક્સ ઓફિસ પર બમ્પર કમાણી કરે છે. એક વર્ષમાં સૌથી વધુ ફિલ્મો આપનાર એક્ટર માત્ર તેમની ફિલ્મોના કારણે જ નહીં પરંતુ તેમના અંગત જીવનના કારણે પણ ઘણી વાર ચર્ચા મા રહે છે.
અક્ષય કુમારનો તેના પરિવાર પ્રત્યેનો પ્રેમ જાણીતો છે. તે તેની પત્ની ટ્વિંકલ ખન્ના અને બે બાળકો પુત્ર આરવ અને પુત્રી નિતારા ને ખૂબ જ પ્રેમ કરે છે.
તમને જણાવી દઈએ કે અક્ષય કુમાર પોતાના કામને લઈને ખૂબ જ સક્રિય છે, તે વહેલી સવારે શૂટ પર જાય છે. તે એવા કલાકારોમાંથી એક છે જે એક નિશ્ચિત સમય સીમા અનુસાર કામ કરે છે. તે તેનું શૂટિંગ વહેલું પૂરું કરે છે અને તેના પરિવારને સમય આપે છે.
અક્ષય ભલે આજે દુનિયાની સામે સુપર સ્ટાર છે, પરંતુ તે ઘરમાં એક સામાન્ય પિતાની જેમ રહે છે અને ઈચ્છે છે કે તેના બાળકોનો ઉછેર સામાન્ય બાળકોની જેમ જ થાય છે. અક્ષય અને તેની પત્ની ટ્વિંકલ બંને ઈચ્છે છે કે તેમના બાળકો પૈસાની કિંમત સમજે અને પૈસાનો બગાડ ન કરે. આ જ કારણથી અક્ષય કુમાર જ્યારે પણ બહાર જાય છે ત્યારે તે ઈકોનોમી ક્લાસમાં મુસાફરી કરે છે.
અક્ષયનો પુત્ર આરવ માર્શલ આર્ટમાં બ્લેક બેલ્ટ ધરાવે છે. જ્યારે આરવ માર્શલ આર્ટમાં આ બેલ્ટ જીત્યો, ત્યારે તેને પ્રથમ વખત બિઝનેસ ક્લાસમાં મુસાફરી કરવાની તક મળી હતી. આ બધા પાછળ અક્ષયનો એક જ વિચાર હતો, તે ઇચ્છતો હતો કે તેનો દીકરો શીખે કે આપણે સખત મહેનતથી બધું કમાવું છે. અક્ષયની દીકરી નિતારા વિશે વાત કરીએ તો તે ઘણી નાની છે આ નાની ઉંમરે પણ નિતારાને તમામ પ્રકારના પુસ્તકો વાંચવાનો શોખ છે.
નિતારા રામાયણથી લઈને પરીકથાઓ પણ વાંચે છે. અક્ષય કુમાર પોતાની દીકરીને નવી-નવી વાર્તાઓ કહે છે. ખિલાડી કુમારનું કહેવું છે કે તે ઇચ્છે છે કે તેના બાળકો પણ અન્ય બાળકો જેવા જ બને. આ કારણે, તે તેની પુત્રીને સર્જનાત્મક બનવાની સંપૂર્ણ સ્વતંત્રતા આપે છે. અક્ષય પણ ક્યારેક તેના અંગૂઠાના નખ રંગી આપે છે. અભિનેતાઓ ઇચ્છે છે કે તેમના બાળકો તેમને મળેલી દરેક વસ્તુની કદર કરતાં શીખે.
જ્યારે અક્ષયની પત્ની ટ્વિંકલ ખન્ના કોઈ કામ માટે શહેરની બહાર હોય ત્યારે અક્ષય કુમાર એકલા બંને બાળકોની સંભાળ રાખે છે. અક્ષય દરરોજ સાંજે વહેલો ઘરે આવે છે અને તેના બાળકો સાથે સમય વિતાવે છે.તે બાળકોને પૂછે છે કે તેઓએ આખો દિવસ શું કર્યું? આવી રીતે, અક્ષય તેના બાળકોના દિવસભરના શેડ્યૂલ વિશે જાણે છે.
વર્ક ફ્રન્ટની વાત કરીએ તો અક્ષય કુમાર છેલ્લે ‘બેલ બોટમ’ માં જોવા મળ્યો હતો.આ ફિલ્મમાં તેની સાથે વાણી કપૂર, હુમા કુરેશી અને લારા દત્તા પણ હતા. અક્ષય ‘રામ સેતુ’, ‘પૃથ્વીરાજ’, ‘બચ્ચન પાંડે’, ‘રક્ષાબંધન’, ‘અતરંગી રે’, ‘ગોરખા’, ‘સૂર્યવંશી’ અને ‘મિશન સિન્ડ્રેલા’માં કામ કરી રહ્યો છે.