સુપ્રીમ કોર્ટે ગુરુવારે ભારતી એરટેલના 923 કરોડના GST રિફંડ પર રોક લગાવી દીધી છે. સુપ્રીમ કોર્ટે ભારતી એરટેલને રિફંડ કરવાના હાઈકોર્ટના આદેશને રદ કર્યો હતો. હકીકતમાં, ભારતી એરટેલે જુલાઈ-સપ્ટેમ્બર 2017 વચ્ચેના સમયગાળા માટે 923 કરોડના GST રિફંડની માંગણી કરી હતી.
દિગ્ગજ ટેલિકોમ કંપની ભારતી એરટેલને સુપ્રીમ કોર્ટ તરફથી મોટો ઝટકો લાગ્યો છે. સુપ્રીમ કોર્ટે ગુરુવારે ભારતી એરટેલના 923 કરોડના GST રિફંડ પર રોક લગાવી દીધી છે. સુપ્રીમ કોર્ટે ભારતી એરટેલને રિફંડ કરવાના હાઈકોર્ટના આદેશને રદ કર્યો હતો.
વાસ્તવમાં, ભારતી એરટેલે જુલાઈ-સપ્ટેમ્બર 2017 વચ્ચેના સમયગાળા મા 923 કરોડના GST રિફંડની માંગણી કરી હતી. મે 2020માં દિલ્હી હાઈકોર્ટે ભારતી એરટેલની અરજીને મંજૂરી આપી હતી. સરકારને ચકાસવા અને દાવો કરાયેલી રકમ રિફંડ કરવાનો નિર્દેશ આપ્યો, ત્યારબાદ કેન્દ્રએ જુલાઈ 2020માં રિફંડના આદેશને પડકારતા સુપ્રીમ કોર્ટમાં ગયા.
કેન્દ્રએ તેની અરજીમાં દલીલ કરી હતી કે જુલાઈ-સપ્ટેમ્બર 2017 વચ્ચેના સમયગાળા માટે ભારતી એરટેલને ઇનપુટ ટેક્સ ક્રેડિટની જાણ કરવામાં આવી હતી. ભારતી એરટેલે દલીલ કરી હતી કે તેણે જુલાઈ-સપ્ટેમ્બર 2017 પછીના સમયગાળા માટે GSTR-2A ફોર્મ બિન-ઓપરેશનલ હોવાના કારણે 823 કરોડ નો વધારાનો ટેક્સ ચૂકવ્યો હતો.
હવે SCએ રિફંડ જારી કરવા સામેની સરકારની અરજીને મંજૂરી આપી છે અને હાઇકોર્ટના નિર્ણયને રદ કર્યો છે.