ઉત્તર પ્રદેશના એક બસ ડ્રાઈવરને 2.50 લાખનો દંડ કરવામાં આવ્યો છે. જો કે આ દંડ કોઈ વ્યક્તિના અકસ્માતને કારણે નહિ પરંતુ એક વાંદરાને કચડી નાખતા તેને આ મોટો દંડ કરવામાં આવ્યો છે. કહેવાય છે કે માણસ પહેલા વાનર હતો, બાદમાં સભ્યતાના વિકાસની સાથે તેનો વિકાસ પણ થયો અને તે વાનરમાંથી માનવ બન્યો. આ જ કારણ છે કે વાંદરાઓને મનુષ્યના પૂર્વજ કહેવામાં આવે છે. આ સ્થિતિમાં વાંદરાઓ (Monkey) પણ ક્યારેક માણસોની જેમ વર્તે છે. ત્યારે આજે દુધવા ટાઈગર રિઝર્વના મુખ્ય જંગલ વિસ્તારમાં વાંદરાને કચડી નાખવા બદલ બસ ડ્રાઈવરને 2.5 લાખ રૂપિયાનો દંડ ફટકારવામાં આવ્યો છે.
આ અકસ્માત મામલે વન અધિકારીઓએ જણાવ્યું હતું કે ડ્રાઇવરે આ અકસ્માત કરીને પોતે ભાગવાનો પ્રયાસ કર્યો હતો પરંતુ તેની ધરપકડ કરીને તેને કસ્ટડીમાં લેવામાં આવ્યો છે અને આ બસને પણ જપ્ત કરી લેવામાં આવી છે. જો કે આ અકસ્માતને લઈને 2.50 લાખનો દંડ કરવામાં આવ્યો હતો જે આ સંપૂર્ણં દંડ માલિકે ભર્યા બાદ જ આ બસને છોડવામાં આવી છે. જયારે આ બસ ડ્રાઈવરને હાલમાં છોડી દેવામાં આવ્યો છે કારણે કે આ અકસ્માત સ્ટેટ હાઈવે પર થયો હતો. નહિંતર આ ડ્રાઇવરની ધરપકડ કરી તેને જેલમાં મોકલી દેવામાં આવ્યો હતો.
જો કે આ બસ એક સ્થાનિક ટ્રાન્સપોર્ટર કંપની છે અને આ બસ લખીમપુર ખીરી જિલ્લાના પલિયા અને ગોલા શહેરો વચ્ચે દિવસમાં ઘણી વખત દોડાવવામાં આવે છે. ત્યારે આ સમગ્ર મામલે રેન્જ ઓફિસર મનોજ કશ્યપે જણાવ્યું છે કે માત્ર આમાં દંડની જોગવાઈ છે કારણ કે અકસ્માત સ્ટેટ હાઈવે પર થયો હતો. નહિંતર, અમે ડ્રાઇવરની ધરપકડ કરીને તેને જેલમાં મોકલી દીધો હોત. જો કે આ પ્રકારના દંડ દરેક વાહનમાં અલગ-અલગ રીતે નક્કી કરવામાં આવેલ હોય છે. ત્યારે આ બસ ડ્રાઈવરને 2.50 લાખનો દંડ કરવામાં આવ્યો છે અને આ બસના માલિકે આ દંડ ભરી દેતા બસને છોડી મુકવામાં આવી છે.
જયારે આ બસનો અકસ્માત વાંદરા સાથે થયો ત્યારે આ બસ 70 કિમી પ્રતિ કલાકની ઝડપે દોડી રહી હતી, જ્યારે અનુમતિપાત્ર મર્યાદા 40 કિમી પ્રતિ કલાક ની જ છે. જો કે આ માટે ચેકપોસ્ટ પર તૈનાત કર્મચારીઓ જંગલમાંથી પસાર થતા વાહનો પર નજર રાખતા હોય છે. અને અહીં ટ્રક અને બસ જેવા મોટા ભારે વાહનોના એન્ટ્રી પોઈન્ટ પર પેપર સ્લીપ પણ આપવામાં આવે છે. ત્યારબાદ આ વાહનોના ડ્રાઇવરોને 22 મિનિટની અંદર જંગલ પાર કરવાની સલાહ પણ આપવામાં આવે છે. અને આ રીતે દરેક વાહનની સ્પીડ પર નજર રાખી શકાય છે.
જો કે પ્રાણીઓ સાથે આવા અકસ્માતનો આ પહેલો કિસ્સો નથી આ પહેલા પણ આવું ઘણીવાર બની ગયું છે. જે છેલ્લા બે વર્ષમાં લખીમપુર ખીરી જિલ્લાના અલગ-અલગ જંગલ વિસ્તારોમાં વધુ પડતા ઝડપી વાહનોની ટક્કરથી આઠ મગરોના મોત પણ થયા હોવાનું સામે આવ્યું હતું. આ ઉપરાંત ગયા વર્ષે ગોલા-લખીમપુર સ્ટેટ હાઈવે પર રિઝર્વના બફર વિસ્તાર પાસે એક માર્ગ અકસ્માતમાં એક વાઘણનું પણ મોત થયું હતું. ત્યારે આજે વધુ આ અકસ્માતનો બનાવ સામે આવ્યો છે, જેમાં બસ ચાલાકને 2.50 લાખનો દંડ વસુલ કરવામાં આવ્યો છે.
આ ઉપરાંત ગયા વર્ષે ઑક્ટોબરમાં દિલ્હી જતી ટેમ્પો પેસેન્જરને વાંદરાને કચડી નાખવા બદલ 2 લાખ રૂપિયાનો દંડ ફટકારવામાં આવ્યો હતો. ત્યારે આ પહેલા ગુજરાતની બસને પણ આના કરતા વધુ 4.5 લાખ રૂપિયાનો દંડ કરવામાં આવ્યો હતો. જે જુલાઈ 2020માં ગુજરાતની એક પ્રવાસી બસ કંપનીને આ જ વન રેન્જમાં હરણને કચડી નાખવા બદલ 4.5 લાખ રૂપિયાનો દંડ ફટકારવામાં આવ્યો હતો.