સેન્ટ્રલ બ્યુરો ઓફ ઇન્વેસ્ટિગેશન એ દિવંગત અભિનેતા સુશાંત સિંહ રાજપૂતના ઇમેઇલ અને સોશિયલ મીડિયા એકાઉન્ટ્સમાંથી ડિલીટ કરેલા ડેટાને પુનઃપ્રાપ્ત કરવા માટે અમેરિકા પાસેથી ઔપચારિક રીતે મદદ માંગી છે. સીબીઆઇ તપાસ કરવા માંગે છે કે 14 જૂન, 2020થી અત્યાર સુધીમાં એવું તે શું બન્યું હતું કે સુશાંત સિંહ તેના ઘરમાં મૃત હાલતમાં મળી આવ્યો હતો.
હિન્દુસ્તાન ટાઇમ્સના રિપોર્ટ મુજબ કેલિફોર્નિયામાં ગૂગલ અને ફેસબુક પાસેથી એમએલટી હેઠળ માહિતી માંગવામાં આવી છે એટલે કે. ડિલીટ કરેલા મેઇલ અને ચેટ ની બધી માહિતી બંને કંપનીઓ પાસેથી માંગવામાં આવી છે.
ભારત અને અમેરિકા પાસે એમએલટી છે જે હેઠળ બંને પક્ષો ઘરેલું બાબતોની તપાસમાં માહિતી માંગી શકે છે. ભારતમાં ગૃહ મંત્રાલય એમએલટી હેઠળ કોઈ માહિતી મોકલવા અથવા મેળવવાનું કેન્દ્ર છે, ત્યારે આવી માહિતી અમેરિકામાં એટર્ની જનરલની ઓફિસમાંથી મળે છે.
નામ ન આપવાની શરતે એક અધિકારીએ હિન્દુસ્તાન ટાઇમ્સને જણાવ્યું હતું કે, “અમે કેસ ના નિષ્કર્ષ પર આવે તે પહેલાં કોઈ પણ પાસાને અસ્પૃશ્ય રહેવા દેવા માંગતા નથી. અમે જાણવા માંગીએ છીએ કે શું એવી કોઈ ડિલીટ કરેલી ચેટ અથવા પોસ્ટ્સ છે જે આ કિસ્સામાં મદદ કરી શકે છે. ‘