એશિયાના સૌથી અમીર વ્યક્તિ અને રિલાયન્સ ઈન્ડસ્ટ્રીઝના ચેરમેન મુકેશ અંબાણીના નામનો સમાવેશ વિશ્વના 10 સૌથી અમીર લોકોની યાદીમાં કરવામાં આવ્યો છે. મુકેશ અંબાણી દક્ષિણ મુંબઈના અલ્ટ્રામાઉન્ટ રોડ પર એન્ટિલિયા નામના આલીશાન મહેલમાં રહે છે. લંડનના બકિંગહામ પેલેસ પછી તે વિશ્વનું બીજું સૌથી મોંઘું ઘર છે. મુકેશ અંબાણીના આ આલીશાન બંગલાની કિંમત દોઢથી બે કરોડ હોવાનું કહેવાય છે.
મુકેશ અંબાણી અને તેમની પત્ની નીતા અંબાણી તેમના પરિવાર સાથે એન્ટિલિયાના 27માં માળે રહે છે. તમારા મનમાં આ પ્રશ્ન આવી શકે છે કે મુકેશ અંબાણી અને તેમનો પરિવાર ફક્ત 27મા માળે જ કેમ રહે છે? તેની પાછળ પણ એક ખૂબ જ રસપ્રદ વાર્તા છે.
જ્યારે મુકેશ અંબાણીની પત્ની નીતા અંબાણીને પ્રશ્ન પૂછવામાં આવ્યો કે તમે 27મા માળે કેમ રહો છો તો નીતા અંબાણીએ કહ્યું કે 27મા માળે જવા પાછળનું સૌથી મોટું કારણ સૂર્યપ્રકાશ હતું. વાસ્તવમાં, નીતા અંબાણી ઈચ્છતા હતા કે તેમના પરિવારના સભ્યો જ્યાં પણ રહે છે, સૂર્યના કિરણો તેમના તમામ રૂમમાં પોતાનો પ્રકાશ ફેલાવે. આ કારણથી નીતા અંબાણીએ રહેવા માટે 27મો માળ પસંદ કર્યો.
27મા માળની સુરક્ષા એટલી કડક છે કે અંબાણી પરિવારના નજીકના મિત્રોને જ ત્યાં જવાની મંજૂરી છે. તેમાં કોઈ શંકા નથી કે અંબાણી પરિવારમાં દરેક વ્યક્તિ કોઈ સેલિબ્રિટીથી ઓછી નથી અને ખૂબ જ રોયલ લાઈફ જીવે છે. તમને જાણીને પણ નવાઈ લાગશે કે એન્ટિલિયામાં કુલ 600 લોકો અંબાણી પરિવારની સેવા કરવા માટે કામ કરે છે.