ઉત્તર પ્રદેશના ચંદૌલીનો રહેવાસી બિજેન્દ્ર વ્યવસાયે સફાઈ કર્મચારી તરીકે કામ કરે છે. દરેક માતાપિતાની જેમ તેણે પણ પોતાના પુત્રને સફળ બનાવવા માટે દરેક પ્રયત્નો કર્યા હતા. દસ વર્ષ પહેલાં બિજેન્દ્રએ આ સ્વપ્ન જોયું ત્યારે ઘણાએ તેની મજાક ઉડાવી હતી. પરંતુ તેણે હિંમત ગુમાવી ન હતી, અને આજે તેનું પરિણામ છે કે સફાઈ કામદારનો પુત્ર ભારતીય સેનામાં અધિકારી બન્યો હતો.
સફાઈ કર્મચારી બિજેન્દ્ર કુમારનું કહેવું છે કે 10 વર્ષ પહેલા તેણે પોતાના ગામના કેટલાક લોકોની સામે કહ્યું હતું કે ‘મેં ઝાડુ ઉપાડ્યું છે પણ મારો પુત્ર હવે બંદૂક લઈને દેશની સેવા કરશે’. આ સાંભળીને બધા હસી પડ્યા. કેટલાકે કહ્યું કે આટલું મોટું ના વિચારો. પણ બિજેન્દ્ર પોતાના નિર્ણય પર અડગ હતો. તેમનું સ્વપ્ન ત્યારે સાકાર થયું જ્યારે 12 જૂને તેમણે તેમના 21 વર્ષના પુત્ર સુજીતને ઈન્ડિયન મિલિટરી એકેડમી (IMA), દેહરાદૂનમાંથી સ્નાતક થતા જોયો.
ચંદૌલીના બાસિલા ગામમાંથી સુજીત પ્રથમ ભારતીય આર્મી ઓફિસર બન્યા. તેઓ બસીલા ગામના તમામ યુવાનો માટે પ્રેરણારૂપ છે. બિજેન્દ્ર કુમાર પોતાના પુત્રની સફળતા પર કહે છે કે ‘મેં ઝાડુ ઉપાડ્યું પરંતુ મારો પુત્ર હવે બંદૂક લઈને દેશની સેવા કરશે. આટલું કહીને બિજેન્દ્રની આંખો હર્ષના આંસુથી છલકાઈ ગઈ. તેનો પરિવાર પાસિંગ આઉટ પરેડમાં હાજરી આપી શક્યો ન હતો કારણ કે તેને કોરોના દરમિયાન મંજૂરી આપવામાં આવી ન હતી. તેને ટીવી પર પાસિંગ આઉટ પરેડ ટેલિકાસ્ટ જોવાની ફરજ પડી હતી.
સુજીતનું કહેવું છે કે તે આર્મી ઓર્ડનન્સ કોર્પ્સમાં જોડાશે. તેમને આશા છે કે હવે તેમના ગામ અને પ્રદેશના અન્ય યુવાનો પણ સેનામાં જોડાશે. સુજીત સિવાય બિજેન્દ્રને અન્ય ત્રણ બાળકો છે અને તેઓ તેમને ઘણું શીખવી રહ્યા છે. જેમાં તેમનો નાનો દીકરો IITમાં ભણવા માંગે છે. જ્યારે તેમની એક દીકરી ડોક્ટર અને બીજી IAS ઓફિસર બનવા માંગે છે. બિજેન્દ્ર તેમના બાળકોને ભણાવવા માટે વારાણસીમાં રહે છે.