આ સમાચાર ઉત્તર પ્રદેશના મેરઠ જિલ્લાના છે. અહીં આઠમા ધોરણની વિદ્યાર્થીએ ગળેફાંસો ખાઈ આત્મહત્યા કરી લીધી હતી. વિદ્યાર્થીની આત્મહત્યાની માહિતી મળતાં જ લાલકુર્તી પોલીસ અને ફોરેન્સિક વિભાગની ટીમ ઘટનાસ્થળે પહોંચી હતી. ફોરેન્સિક વિભાગની ટીમે ઘટનાસ્થળેથી પુરાવા લીધા છે અને મૃતદેહને પોસ્ટમોર્ટમ માટે મોકલી આપ્યો છે.
તમને જણાવી દઈએ કે, પોલીસને ઘટનામાંથી એક સુસાઈડ નોટ પણ મળી આવી છે. સુસાઇડ નોટમાં વિદ્યાર્થીએ તેની માતા પર મારપીટનો આરોપ લગાવ્યો છે. પોલીસે આ મામલે તપાસ શરૂ કરી છે. લાલકુર્તી પોલીસ સ્ટેશનના ઈન્સ્પેક્ટર અતર સિંહે જણાવ્યું કે આ મામલો લાલકુર્તિ પોલીસ સ્ટેશન વિસ્તારના કાસેરુખેડા વિસ્તારનો છે. નીતુ અહીં તેના બીજા પતિ રાહુલ સાથે લગભગ પાંચ વર્ષથી રહે છે. નીતુની 15 વર્ષની પુત્રી કશિશ આઠમા ધોરણમાં અભ્યાસ કરે છે. કશિશ ફેસબુક અને ઈન્સ્ટાગ્રામ વપર્ટી હતી અને આ માટે માતા તેને વારંવાર ઠપકો આપતી હતી.
28 ડિસેમ્બર મંગળવારની મોડી સાંજે કશિશ ઘરની બહાર ફરવા માટે નીકળી હતી. ઘરે પછી આવી ત્યારે માતાએ તેને ઠપકો આપ્યો અને કહ્યું કે જો તે ફેસબુક અને ઇન્સ્ટાગ્રામ ફરી શરૂ કરશે તો તે તેને મારશે. પોલીસના જણાવ્યા અનુસાર આનાથી ગુસ્સે થઈને કશિશે સાંજે 7 વાગે ઘરમાં ફાંસો ખાઈને આત્મહત્યા કરી લીધી હતી. જ્યારે નીતુએ તેની પુત્રીને પંખા પર લટકતી જોઈ તો તેણે ચીસો પાડી. અવાજ સાંભળીને આસપાસના લોકો આવી પહોંચ્યા. બાદમાં તપાસ દરમિયાન પોલીસને સુસાઈડ નોટ મળી આવી હતી. જેમાં કશિશે માતા પર મારપીટનો આરોપ લગાવ્યો હતો. જ્યારે પોલીસે પૂછપરછ કરી તો નીતુએ કહ્યું કે તેણે દીકરીને ઠપકો આપ્યો હતો, પરંતુ તે તેને ખૂબ પ્રેમ કરતી હતી.