લગ્નમાં કન્યાએ એવા ગીત પર ડાન્સ કર્યો… કે વરરાજાએ ત્યાં જ આપી દીધા છૂટાછેડા

ઈરાકના બગદાદમાંથી છૂટાછેડાનો આવો કિસ્સો સામે આવ્યો છે કે જાણીને લોકો ચોંકી ઉઠશે! હકીકતમાં, અહીં લગ્ન સમારોહ દરમિયાન, વરરાજાને દુલ્હનનો ‘ઉશ્કેરણીજનક’ સીરિયન ગીત પર ડાન્સ પસંદ ન આવ્યો, જેના પછી તેણે કન્યાને લગ્નના સ્થળ પર જ છૂટાછેડા આપી દીધા. કેટલાક યુઝર્સ તેને બગદાદના 2022ના સૌથી ઝડપી છૂટાછેડા પણ ગણાવી રહ્યા છે.

લગ્નસ્થળે જ છૂટાછેડા થયા
મળેલા અહેવાલ મુજબ, તે સીરિયન ગીત ‘મેસાયતારા’ (Mesaytara) હતું, જેનો અર્થ થાય છે ‘હું પ્રભુત્વ ધરાવું છું’ (I am dominating) અથવા ‘હું તમને નિયંત્રિત કરીશ’ (I will control you). ગીતના આ શબ્દોએ વરરાજાને એટલું બધું દુઃખ પહોંચાડ્યું કે તેણે લગ્ન સ્થળે જ છૂટાછેડા લેવાનું નક્કી કર્યું.

વરરાજાના માતા-પિતા પણ ખુશ ન હતા
રિપોર્ટમાં કહેવામાં આવ્યું છે કે ‘મેસાયતારા’ ના તાલે દુલ્હનનો નૃત્ય વર અને તેના પરિવારને ઉશ્કેરણીજનક લાગ્યો. તેઓ આનાથી બિલકુલ ખુશ ન આવી હતા. સ્થિતિમાં વરરાજાનો દુલ્હન સાથે ઝઘડો થયો, જે બાદ તેણે દુલ્હનને ત્યાં જ છૂટાછેડા આપી દીધા. તમને જણાવી દઈએ કે, આ ગીત લામિસ કાને ગાયું છે.

ભૂતકાળમાં પણ આ કારણે છૂટાછેડા થયા છે!
આ પહેલીવાર નથી જ્યારે આ ગીતને કારણે મિડલ ઇસ્ટમાં કોઈ નવપરિણીતના છૂટાછેડા થયા હોય. ગયા વર્ષે, જોર્ડનના એક વ્યક્તિએ પોતાની દુલ્હન સાથે સંબંધ તોડી નાખ્યો કારણ કે તેણે લગ્ન સમારંભમાં આ જ ગીત વગાડ્યું હતું.