જાન્યુઆરી વીતી ગયો અને શાળાઓ એક દિવસ પણ ખુલી નથી. જો કે, હવે નવા આદેશો અનુસાર, 7 ફેબ્રુઆરીથી શાળાઓ ખુલશે, એટલે કે ઑફલાઇન વર્ગો શરૂ થશે. પરંતુ આ પછી પણ ફેબ્રુઆરી મહિનાના બાકીના 22 દિવસોમાં રજાઓના કારણે ફરીથી કુલ સાત દિવસ શાળાઓ બંધ રહેશે. એટલે કે ફેબ્રુઆરી મહિનામાં કુલ 15 દિવસ જ અભ્યાસ થશે. આ સાત દિવસની રજાઓમાં ત્રણ રવિવારનો પણ સમાવેશ થાય છે. શાળા ખુલ્યા બાદ પહેલી રજા 15 ફેબ્રુઆરીએ આવી રહી છે. આ દિવસે હઝરત અલીનો જન્મદિવસ છે. આ દિવસે રાજ્યમાં જાહેર રજાની શક્યતા છે. આ પછી ફરી 16 ફેબ્રુઆરીએ ગુરુ રવિદાસ જયંતિ આવી રહી છે. ત્યારબાદ આગામી રજા 26 ફેબ્રુઆરીએ મહર્ષિ દયાનંદ સરસ્વતી જયંતિ અને 28 ફેબ્રુઆરીએ મહાશિવરાત્રિની છે.
ત્રણ રવિવાર પણ
આ સિવાય 13 ફેબ્રુઆરી, 20 ફેબ્રુઆરી અને 27 ફેબ્રુઆરીએ રવિવાર આવી રહયા છે. આ દિવસે તો સ્કૂલો એમ પણ બંધ રહેશે. જો કે 5મી ફેબ્રુઆરીએ વસંત પંચમીની રજા છે, પરંતુ આ દિવસે સ્કૂલો પહેલેથી જ બંધ છે. તો ચાલો જોઈએ ફેબ્રુઆરીમાં આવતી બાકીની રજાઓની યાદી –
ફેબ્રુઆરીમાં રજાઓ
- 15 ફેબ્રુઆરી – હઝરત અલીનો જન્મદિવસ
- 16 ફેબ્રુઆરી – ગુરુ રવિદાસ જયંતિ
- 26 ફેબ્રુઆરી – મહર્ષિ દયાનંદ સરસ્વતી જયંતિ
- 28 ફેબ્રુઆરી – મહાશિવરાત્રી
શાળાઓ માટે માર્ગદર્શિકા
07 ફેબ્રુઆરીથી શાળાઓ ખુલશે તો પણ શાળાઓએ તે તમામ માર્ગદર્શિકાનું પાલન કરવું ફરજિયાત રહેશે, જે સરકાર દ્વારા અગાઉ જારી કરવામાં આવી છે. તમને જણાવી દઈએ કે કોરોનાના વધતા જતા કેસોને ધ્યાનમાં રાખીને યુપી સરકારે પહેલાથી જ શાળાઓ માટે માર્ગદર્શિકા જાહેર કરી દીધી છે. આ ગાઈડલાઈન મુજબ સ્કૂલ મેનેજમેન્ટ કોઈ પણ બાળકને માતા-પિતાની સંમતિ વિના સ્કૂલમાં આવવા દબાણ કરી શકે નહીં.