યુક્રેન અને રશિયા વચ્ચેનું યુદ્ધને લઇ વિશ્વભરમાં ચર્ચા થઇ રહી છે. જ્યાં યુક્રેનમાં રશિયાએ યુદ્ધ કર્યા પછી ચારેયકોર રશિયાની ટીકા કરવામાં આવી રહી છે. આ વચ્ચે એક મોટા સમાચાર સામે આવી રહ્યા થઇ રહ છે. દરમિયાન વિશ્વમાં પણ આ યુદ્ધની ખૂબ ચર્ચા થઈ રહી છે. ઘણા લોકોને યુક્રેન પ્રત્યે સહાનુભૂતિ છે. તેઓ સોશિયલ મીડિયા દ્વારા તેને સપોર્ટ કરી રહ્યાં છે. ઘણા લોકોએ પોતપોતાના દેશોમાં યુક્રેનને સમર્થન આપવાનું અભિયાન પણ શરૂ કર્યું છે.
જ્યારે હવે એક બ્રિટિશ નાગરિકે એક પગલું આગળ વધાર્યું છે અને ચોંકાવી દે તે રીતે યુક્રેનને સમર્થન આપવાનું નક્કી કર્યું છે.
ડેઈલી સ્ટારના રિપોર્ટ મુજબ, વિરલનો એક વ્યક્તિ તેની પત્નીને કહ્યું કે તે ફરવા જઈ રહ્યો છે પરંતુ તેણે ફ્લાઈટ પકડી અને સીધો પોલેન્ડ ગયો. તે મેડિકા ગામમાંથી સરહદ ઓળંગીને યુક્રેનમાં પ્રવેશ્યો. પછી તે યુક્રેનની સેનાની મદદ કરવા ગયો અને રશિયા સામેના યુદ્ધમાં પણ જોડાઈ ગયો.
ધ સન વેબસાઈટ સાથે વાત કરતા વ્યક્તિએ જણાવ્યું કે તે બ્રિટિશ આર્મીનો નિવૃત્ત સૈનિક છે. લાંબા સમય સુધી તેણે સેનામાં સ્નાઈપર તરીકે કામ કર્યું. તેણે કહ્યું કે જ્યારે તેની પત્નીને ખબર પડશે તો તે ખૂબ ગુસ્સે થશે. એટલા માટે તે થોડા સમય પછી તેને યુક્રેનથી ફોન કરીને કહેશે. તેમણે કહ્યું કે યુક્રેનની સેના સાચી છે અને લોકોએ આ મુશ્કેલ સમયમાં યુક્રેનના લોકોની મદદ કરવી જોઈએ.
માણસે કહ્યું કે તેણે પોતાનું જીવન જીવી લીધું છે, તમામ લોન ચૂકવી દીધી છે અને પતિ અને પિતાની બધી ફરજો નિભાવી છે. એટલા માટે તે યુક્રેનની મદદ કરવા ત્યાં પહોંચી ગયો છે. તે માને છે કે તે નવા યુગના હિટલરનો સામનો કરી રહ્યો છે જે દરેક વસ્તુનો નાશ કરવા મક્કમ છે. આ વ્યક્તિએ પોતાનું નામ જાહેર કર્યા વિના કહ્યું કે યુક્રેનના લોકોને અનુભવી સૈનિકોની જરૂર છે અને તે અનુભવ તેની પાસે છે. તેણે કહ્યું કે જો તે ઘરે પરત નહીં ફરે તો તેને કોઈ અફસોસ નથી.