છેલ્લા છ સપ્તાહથી રશિયા અને યુક્રેન વચ્ચે ચાલી રહેલું યુદ્ધ અટકવાનું નામ નથી લઈ રહ્યું. આ યુદ્ધે યુક્રેનના નાગરિકો માટે બધું બરબાદ કરી દીધું છે. હવે એવો દાવો કરવામાં આવી રહ્યો છે કે રશિયન સૈનિકોએ માસૂમ બાળકીઓ અને સગીર વયની છોકરીઓ સાથે ક્રૂરતા આચરી છે. યુક્રેનના ધારાસભ્ય લેસિયા વાસિલેન્કે દાવો કર્યો છે કે રશિયન સૈનિકોએ 10 વર્ષની બાળકીઓ પર બળાત્કાર કર્યો હતો અને તેમના શરીર પર સ્વસ્તિક જેવા નિશાનો બનાવ્યા હતા. તેણે આ ગુનાઓની પુષ્ટિ કરવા માટે ઘણી તસવીરો પણ ટ્વીટ કરી છે.
‘રશિયન સૈનિકો યુક્રેનિયન છોકરીઓ સાથે કરી છે હેવાનિયત’
લેસ્યા વાસિલેન્કે દાવો કર્યો છે કે રશિયન સૈનિકો દ્વારા પીડિત છોકરીઓના શરીર પર સ્વસ્તિક આકારના દાઝવાના નિશાન મળી આવ્યા છે. તેમણે તેમના વેરિફાઈડ ટ્વિટર હેન્ડલ પર #StopGenocide #StopPutinNOW હેશટેગ સાથે રશિયન સૈનિકોના અત્યાચારની તસવીરો શેર કરી. “રશિયન સૈનિકો લૂંટે છે, બળાત્કાર કરે છે અને મારી નાખે છે,” તેમણે ટ્વિટ કર્યું.
https://twitter.com/lesiavasylenko/status/1510736577592537092
ચારે તરફ થઈ રહી છે રશિયાની ટીકા
તમને જણાવી દઈએ કે યુક્રેનમાં નાગરિકોની ઈરાદાપૂર્વક હત્યાના પુરાવા સામે આવ્યા બાદ સોમવારે રશિયાને ચારેબાજુથી ટીકાઓનો સામનો કરવો પડી રહ્યો છે. દરમિયાન, ફરી એકવાર પશ્ચિમના કેટલાક નેતાઓએ રશિયા સામે વધુ પ્રતિબંધો લગાવવાની હાકલ કરી છે. જર્મનીના સંરક્ષણ પ્રધાને સૂચવ્યું કે યુરોપિયન યુનિયન રશિયન ગેસની આયાત પરના પ્રતિબંધો અંગે ચર્ચા કરે.
🇷🇺 came in 🇺🇦 with military bands and columns of the Rosguard. But they were followed by mobile crematories. Why do you need them if you don’t believe in resistance? Now we know – to hide war crimes. This is not a performer's mistake. This is a planned genocide. #BuchaMassacre pic.twitter.com/koRdQbtbX8
— Михайло Подоляк (@Podolyak_M) April 3, 2022
યુક્રેનિયનોને નિર્દયતાથી મોતને ઘાટ ઉતાર્યા
યુક્રેનના અધિકારીઓએ જણાવ્યું હતું કે રાજધાની કિવની આસપાસના શહેરોમાંથી 410 નાગરિકોના મૃતદેહ મળી આવ્યા હતા, જેને યૂક્રેનના સૈન્યએ તાજેતરના દિવસોમાં ફરીથી કબજે કરી લીધા હતા. રાજધાનીના ઉત્તરપશ્ચિમમાં બુચામાં 21 મૃતદેહો જોવા મળ્યા. એકસાથે નવ લોકોના મૃતદેહ જોવા મળ્યા હતા. એવું લાગતું હતું કે તેમને ખૂબ જ નજીકથી ગોળી મારવામાં આવી હતી. તેમાંથી બેના હાથ પીઠ પાછળ બાંધેલા હતા. કિવના પશ્ચિમમાં મોટિગીનમાં, ચાર મૃતદેહો જોયા કે જેને નજીકમાંથી ગોળી મારીને ખાડામાં ફેંકી દેવામાં આવી હતી. આ મૃતદેહોમાં મેયર, તેમના પુત્ર અને પતિના મૃતદેહોનો સમાવેશ થાય છે. મૃતદેહો બાંધેલા હતા અને તેમની આંખો પર પણ પટ્ટી બાંધેલી હતી.
રશિયા પર નરસંહારનો આરોપ
યુક્રેનના રાષ્ટ્રપતિ વોલોડીમિર ઝેલેન્સકી અને કેટલાક પશ્ચિમી નેતાઓએ રશિયા પર નરસંહારનો આરોપ લગાવ્યો છે. સંગીતકારો અને અન્ય કલાકારો માટે લાસ વેગાસમાં ગ્રેમી એવોર્ડ્સ દરમિયાન બતાવવામાં આવેલ એક વીડિયોમાં, ઝેલેન્સકીએ તેમને તેમના રાષ્ટ્રને સમર્થન આપવા અને “તેમના સંગીતથી મૌન ભરવા” કહ્યું.