બિહારના સાસારામમાં એક ખાનગી ક્લિનિકમાં એક અણધારી ઘટના બની છે. સામાન્ય રીતે ક્લિનિકમાં ફક્ત માનવ દર્દીઓ જ આવે છે, પરંતુ આ વખતે ઘાયલ માદા વાનર તેના બાળક સાથે ક્લિનિક પર પહોંચી હતી. માદા વાંનરને માથામાં ઈજા થઈ હતી અને તેના બાળકને પગમાં ઈજા થઈ હતી. માદા વાનર ક્લિનિકની સામે તેના બાળકને તેની છાતી પર ચોંટાડીને રોકાઈ ગઈ અને ડૉક્ટરને ઈશારાથી સમજાવવાનો પ્રયાસ કર્યો કે તે અંદર આવવા માંગે છે.
તે સમયે શાહીજુમા વિસ્તારના એમએસ ક્લિનિકમાં ડોક્ટર અહેમદ હાજર હતા. તેમણે માદા વાંદરાની ચેષ્ટા સમજી અને લોકોને જગ્યા બનાવવા કહ્યું. દરમિયાન માદા વાનર તેના બાળકને તેની છાતી પર પકડીને ક્લિનિકમાં પ્રવેશી હતી અને બેંચ પર બેસી ગઇ હતી. આ પછી ડો.અહેમદે માદા વાનર અને તેના બાળકની સારવાર શરૂ કરી. તપાસ બાદ ડો.અહેમદે માદા વાનર અને તેના બાળકના ઘા સાફ કર્યા અને પછી તેના પર મલમ લગાવ્યું હતું. આ પછી ડૉક્ટર અહેમદે બંનેને ટિટાનસના ઈન્જેક્શન પણ આપ્યા હતા. આ દરમિયાન માદા વાનર સંપૂર્ણપણે શાંત દેખાઈ અને તેણે પોતાની અને તેના બાળકની સંપૂર્ણ સંતોષ સાથે સારવાર કરાવી હતી.
सासाराम में जब एक बंदर अपने बच्चे के साथ खुद का इलाज़ करवाने पहुंचा निजी अस्पताल। इलाज़ करने वाले डॉक्टर एस एम अहमद खुद को सौभाग्यशाली समझ रहे है की हनुमान जी खुद चलकर इनके पास पहुंचे pic.twitter.com/0NPrAtV6NU
— rajeshkumarojha (@rajeshrepoter) June 8, 2022
આ ઘટનાનો વીડિયો પણ સોશિયલ મીડિયા પર વાયરલ થઈ રહ્યો છે. આ અનોખો વીડિયો જોરશોરથી શેર કરવામાં આવી રહ્યો છે. સારવાર પછી ડૉક્ટર અહેમદે ક્લિનિકમાં આવેલા અન્ય દર્દીઓને જગ્યા બનાવવા માટે કહ્યું જેથી માદા વાનર આરામથી તેના બાળક સાથે બહાર આવી શકે. જ્યારે લોકો બાજુમાં ગયા ત્યારે માદા વાનર ચુપચાપ તેના બાળક સાથે ત્યાંથી નીકળી ગઈ.