બિગ બોસ ફેમ સોનાલી ફોગાટનું મોત હજુ પણ રહસ્ય જ છે. એવો દાવો કરવામાં આવી રહ્યો છે કે સોનાલી ફોગાટની તબિયત 22મી ઓગસ્ટે મોડી રાત્રે બગડી હતી અને તેણે 23મી ઓગસ્ટે દુનિયાને અલવિદા કહી દીધું હતું. સોનાલી ફોગાટના મૃત્યુને હત્યા તરીકે પણ જોવામાં આવી રહ્યું છે. ગોવા પોલીસ આ કેસમાં દરેક સુરાગ એકત્ર કરવામાં વ્યસ્ત છે. સોનાલીના મોતના મામલામાં તેના પીએ સુધીર સાંગવાન સહિત અનેક લોકોની ધરપકડ કરવામાં આવી છે. સોનાલી ફોગાટ એક સફળ મહિલા હતી. સોનાલી ફોગાટની આવકનો સ્ત્રોત શું હતો અને તેની નેટવર્થ કેટલી હતી, ચાલો તેના પર એક નજર કરીએ.
સોનાલી ફોગાટ કેટલા કરોડની માલિક હતી
ઓનલાઈન મીડિયા રિપોર્ટ્સ અનુસાર, સોનાલી ફોગાટે વર્ષ 2019માં યોજાયેલી હરિયાણા વિધાનસભા ચૂંટણીમાં પોતાના સોગંદનામામાં લગભગ 110 કરોડ રૂપિયાની સંપત્તિ જાહેર કરી હતી. રિપોર્ટ્સ અનુસાર, સોનાલી ફોગાટના ત્રણ બેંક એકાઉન્ટ છે, જેમાં 5,11,640 રૂપિયા જમા હતા. જો કે, આ રકમ છેલ્લા ત્રણ વર્ષમાં કાં તો વધી અથવા ઘટી હશે.
એવું કહેવામાં આવી રહ્યું છે કે સોનાલી ફોગાટ પાસે લગભગ 19 લાખની જ્વેલરી હતી, જેમાં 50 તોલા સોનું સામેલ છે. સોગંદનામામાં થોડી આશ્ચર્યજનક બાબત એ છે કે સોનાલી ફોગાટે તેમાં ક્યાંય પણ પોતાની કારનો ઉલ્લેખ કર્યો નથી. આ દર્શાવે છે કે સોનાલી ફોગાટના વાહનો તેના નામે નહોતા. જોકે તેમની પાસે ત્રણ વાહનો હોવાનું સામે આવ્યું છે.
સોનાલી ફોગાટની હરિયાણાના ધુંધર ગામમાં 13 એકર જમીન છે. આ જમીનની કિંમત લગભગ 96 કરોડ રૂપિયા હોવાનું કહેવાય છે. આ સિવાય હિસારમાં તેમનું એક ફાર્મ હાઉસ છે. એક રિસોર્ટ પણ છે. સોનાલીના ફાર્મ હાઉસની કિંમત લગભગ 7 કરોડ રૂપિયા હોવાનું કહેવાય છે.
સોનાલી ફોગટના પરિવારની હિસારના સંત નગરમાં 15 થી 20 દુકાનો છે, જેમાંથી પાંચથી છ દુકાનો અને શોરૂમ પણ સોનાલી ફોગટના છે. અહીંથી દર મહિને ઘણું ભાડું આવે છે. હરિયાણા ઉપરાંત સોનાલી ફોગાટની પ્રોપર્ટી નોઈડામાં પણ હોવાનું કહેવાય છે. રિપોર્ટ્સ અનુસાર, સોનાલી નોઈડા સેક્ટર 52માં એક ફ્લેટ ધરાવે છે, જેની કિંમત લગભગ 32 લાખ રૂપિયા છે.
સોનાલી ફોગાટ એક્ટિંગમાં પણ સક્રિય હતી. રિપોર્ટ્સ અનુસાર સોનાલી એક ફિલ્મ માટે 25 લાખ રૂપિયા લેતી હતી. સોનાલી ફોગાટ પાસે પણ ખેતરો છે, જેના દ્વારા તે ઘણી કમાણી પણ કરતી હતી.