સોશિયલ મીડિયા પર દર કલાકે નવા વીડિયો વાયરલ થતા રહે છે. આમાં માણસોના ફની વીડિયો સિવાય સૌથી વધુ જોનારા વીડિયોની યાદીમાં પ્રાણીઓના ટ્રેન્ડિંગ વીડિયો પણ હોય છે. આવો જ એક વીડિયો આજે લોકોની ઊંઘ ઉડાડતો જોવા મળી રહ્યો છે. જેમાં એક હરણ હવામાં એટલો ઊંચો કૂદકો માર્યો હતો કે જેણે પણ તે દ્રશ્ય જોયું તે આશ્ચર્યચકિત થયા વિના રહી શક્યું નહીં.
પોલીસે વીડિયો શેર કર્યો છે
18 સેકન્ડનો આ વીડિયો અમેરિકાના મિશિગન સ્ટેટની પાંચમી ડિસ્ટ્રિક્ટ પોલીસ દ્વારા શેર કરવામાં આવ્યો છે. આ વીડિયો જોઈને દરેક લોકો ચોંકી જાય છે. તે જોઈ શકાય છે કે રાત્રિના અંધારામાં હરણોનું એક જૂથ મધ્ય હાઇવે પર દોડતું રસ્તો ક્રોસ કરે છે. આ દરમિયાન એક હરણ કાર સાથે અથડાવાની થોડી જ સેકન્ડ પહેલા ખૂબ જ ઉંચી કૂદીને વાહનની ઉપરથી રસ્તો ક્રોસ કરે છે. હાઈવે પર અનેક વાહનો પૂરપાટ ઝડપે જઈ રહ્યા છે. અચાનક ત્રણ હરણ રોડ ક્રોસ કરે છે અને આ ચોંકાવનારો વીડિયો પસાર થતા વાહનમાં લાગેલા ફ્રન્ટ કેમેરામાં કેદ થાય છે. પહેલું હરણ આસાનીથી રસ્તો ઓળંગે છે, બીજું કૂદી જાય છે અને ત્રીજું પણ રસ્તો ઓળંગે છે.
#DeerLeapsOverCar
Fall has arrived,🍁with that comes the infamous increase of 🦌crossings. Watch here as Tpr. Anderson encounters a small herd & uses quick braking to avoid contact.Reminder: If deer cross your path – apply controlled braking; steer straight; don’t swerve. pic.twitter.com/5NtQ6KBe5o
— MSP Fifth District (@MspSouthwestMI) September 22, 2022
ત્રણેય બચી ગયા
આ સમગ્ર ઘટનામાં સૌથી મોટી વાત એ છે કે ત્રણેયનો જીવ બચી ગયો હતો. આ વીડિયો જોઈને એવું લાગી રહ્યું છે કે જાણે ઝડપભેર ચાલતા વાહનોની રાહ જોવાને બદલે બધાએ પોતાની તાકાત પર ભરોસો કર્યો અને માણસોને પડકાર ફેંકતા આગળ વધ્યા. આ વીડિયોની સાથે મિશિગનની પોલીસ દ્વારા લખાયેલ એક લાંબો કેપ્શન હતો જેમાં લોકોને ડ્રાઇવિંગ કરતી વખતે હરણથી કેવી રીતે બચવું તે જણાવવામાં આવ્યું છે.