વોટ્સએપમાં એક ફન ફીચર રોલ આઉટ કરવામાં આવ્યું છે. આ ફીચર આવવાથી હવે પ્રોફાઈલ પિક્ચર લગાવવાની મજા બમણી થઈ જશે. વોટ્સએપના આ નવા ફીચરનું નામ અવતાર છે. આ ફીચરની મદદથી યુઝર્સ પોતાના નવા અવતારને પ્રોફાઈલ પિક્ચરમાં મિત્રો અને પરિવારજનોને બતાવી શકે છે. વપરાશકર્તાઓ WhatsApp સેટિંગ્સમાં જઈને પ્રોફાઈલ પિક્ચર તરીકે ડિજિટલ એક્સપ્રેશન સાથે અવતાર સ્ટીકર સેટ કરી શકે છે. વોટ્સએપના અપડેટ્સને ટ્રૅક કરતી વેબસાઇટ WABetaInfo દ્વારા ટ્વીટ કરીને નવા ફીચરની જાણકારી આપવામાં આવી હતી.
WABetaInfoએ તેના ટ્વીટમાં સ્ક્રીનશોટ પણ શેર કર્યો છે.આ સ્ક્રીનશોટમાં તમે અવતારનું નવું સ્ટીકર પેક જોઈ શકો છો. નવા અપડેટ પછી, WhatsApp આપમેળે એક નવું સ્ટીકર પેક બનાવશે અને તમે તેને મિત્રો અને પરિવાર સાથે સરળતાથી શેર કરી શકશો. ખાસ વાત એ છે કે તમે તમારા મૂડ અનુસાર આમાંથી કોઈપણ અવતારને તમારા પ્રોફાઇલ પિક્ચર તરીકે સેટ કરી શકો છો.
WhatsApp is releasing the ability to set up an avatar to some lucky beta testers on WhatsApp beta for Android!
An avatar is the best way to express yourself on WhatsApp: let's configure an avatar so you can share personalized stickers with your friends.https://t.co/rISRcluygb pic.twitter.com/E5cBNqKEtF
— WABetaInfo (@WABetaInfo) October 21, 2022
કંપની હાલમાં આ ફીચરને કેટલાક પસંદગીના બીટા યુઝર્સ માટે રોલઆઉટ કરી રહી છે. તેનું સ્ટેબલ વર્ઝન બીટા પરીક્ષણ પૂર્ણ થયા પછી ગ્લોબલ વપરાશકર્તાઓ માટે રોલઆઉટ કરવામાં આવશે. જો તમે બીટા ટેસ્ટર છો અને તમને WhatsApp સેટિંગ્સમાં અવતારનો વિકલ્પ દેખાશે, તો તમે તેનો ઉપયોગ કરી શકો છો.
WhatsAppનું આ આગામી ફીચર યુઝર્સની સુરક્ષા અને પ્રાઈવસી માટે ખૂબ જ ઉપયોગી સાબિત થઈ શકે છે. આ સુવિધાની લાંબા સમયથી માંગ હતી. કંપનીએ કેટલાક એન્ડ્રોઇડ બીટા ટેસ્ટર્સ માટે આ ફીચર રોલઆઉટ કર્યું છે. એવું માનવામાં આવે છે કે તેનું સ્ટેબલ વર્ઝન પણ ટૂંક સમયમાં રિલીઝ થશે.