એક મહિલાએ બળાત્કારીની હત્યા કરી. મહિલાએ દાવો કર્યો હતો કે તેણે સ્વબચાવમાં બળાત્કારીની હત્યા કરી હતી. મહિલાએ એમ પણ કહ્યું કે બળાત્કારી તેને અને તેના ભાઈને મારવા માંગતો હતો. આ કેસમાં કોર્ટે મહિલાને 20 વર્ષની સજા ફટકારી હતી. પરંતુ તાજેતરમાં આ મહિલાને મુક્ત કરવામાં આવી હતી. હવે આ વિવાદિત કેસની સ્ટોરી નેટફ્લિક્સ પર બતાવવામાં આવશે.
34 વર્ષીય બ્રિટ્ટેની સ્મિથે 16 જાન્યુઆરી 2018ના રોજ ટોડ સ્મિથને ગોળી મારી હતી. ત્યારે ટોડ 38 વર્ષનો હતો. બ્રિટ્ટેનીનો આરોપ છે કે ટોડે તેમના ઘરે તેનું ગળું દબાવવાનો પ્રયાસ કર્યો, જ્યારે તે બેહોશ થઈ ગઈ ત્યારે તેના પર બળાત્કાર કર્યો. બ્રિટ્ટેની દ્વારા ટોડને ત્રણ વખત ગોળી વાગી હતી. આ મામલો દુનિયાભરમાં હેડલાઇન્સ બન્યો હતો.
આ કેસમાં કોર્ટે તેને 20 વર્ષની જેલની સજા સંભળાવી હતી, ત્યારબાદ બ્રિટની 18 મહિના સુધી અલાબામા (યુએસએ)ની જેલમાં રહી હતી.
જેલમાં દોષિત ઠરેલી બ્રિટ્ટનીએ જણાવ્યું કે તેણે ટોડની હત્યા માત્ર એટલા માટે કરી હતી કારણ કે તે તેની સાથે બળાત્કાર કર્યા બાદ તેને અને તેના ભાઈ ક્રિસને મારી નાખવા માંગતો હતો. આ વિવાદિત કેસ પર કરવામાં આવેલ સ્ટેટ ઓફ અલાબામા વિ. બ્રિટ્ટેની સ્મિથની ડોક્યુમેન્ટ્રી 10 નવેમ્બરે રિલીઝ થવા જઈ રહી છે.
બ્રિટ્ટનીએ કહ્યું, ‘મારી હત્યાના આરોપમાં ધરપકડ કરવામાં આવી હતી, તે વ્યક્તિ મારા ઘરમાં હતો. મને જે યોગ્ય લાગ્યું તે મેં કર્યું, જો મેં તેમ ન કર્યું હોત તો મને અને મારા ભાઈ બંનેને મારી નાખવામાં આવ્યા હોત. હવે હું મારા બાળકો પાસે જઈને તેમને કહેવા માંગુ છું કે તેમની માતા ખૂની નથી, તેમની માતાએ પોતાને બચાવવા માટે આ બધું કર્યું છે.
ગયા મહિને કોર્ટમાં સુનાવણી
ગયા મહિને જ્યારે આ મામલે સુનાવણી થઈ ત્યારે વકીલોએ બ્રિટ્ટેની સામેના આરોપને ફગાવી દેવા માટે કોર્ટમાં વિનંતી કરી હતી. વકીલોએ બ્રિટનીનો બચાવ કરતા કહ્યું કે તેણે પોતાને અને તેના ભાઈને બચાવવા માટે ફાયરિંગ કર્યું હતું.
ત્યારે ટોડે બ્રિટ્ટેનીનું ઘર છોડવાની પણ ના પાડી દીધી હતી. પરંતુ ન્યાયાધીશ જેનિફર હોલ્ટે કહ્યું કે બ્રિટ્ટેની દરવાજા અને ટોડની વચ્ચે ઊભી રહી, તેના પર ગોળીબાર કર્યો અને તેને બહાર જવાની તક આપી નહીં. જો કે તમામ દલીલો સાંભળ્યા બાદ કોર્ટે તેને 18 મહિના બાદ છોડી દીધો હતો.
‘રેપિસ્ટ’ 71 વખત જેલમાં ગયો હતો
ટોડ ભૂતકાળમાં પણ અનેક ગુનાઓમાં સંડોવાયેલો હોવાનું કોર્ટની સુનાવણીમાં બહાર આવ્યું હતું. આ કારણે ટોડ 71 વખત જેલમાં ગયો હતો, તેણે તેની પૂર્વ પત્ની અને અન્ય ભાગીદારોને પણ ટોર્ચર કર્યા હતા.