અકસ્માત ગમે તેટલો હોય તે હંમેશા દુર્ભાગ્યપૂર્ણ હોય છે પરંતુ જાણી જોઈને લોકોનો જીવ લેવો, તે કદાચ સૌથી બર્બર ગુનો હશે. આવો જ એક વીડિયો ચીનમાંથી સામે આવ્યો છે, જેમાં જોવા મળી રહ્યું છે કે વ્યસ્ત રોડ પર એક BMW કાર લોકોને કચડી રહી છે. આ વીડિયો એટલો ડરામણો છે કે જેને જોનારાઓની આત્મા કંપી જશે.
લોકોમાં મચી નાસભાગ
ખરેખરમાં આ ઘટના ચીનના ગુઆંગઝૂની છે. આ વીડિયોને સોશિયલ મીડિયા પર ઘણા યુઝર્સ દ્વારા શેર કરવામાં આવ્યો છે. મીડિયા રિપોર્ટ્સ અનુસાર, આ ઘટના ત્યારે બની જ્યારે અહીંના વ્યસ્ત રોડ પર મોટી સંખ્યામાં લોકો આવી રહ્યા હતા અને સામેથી જઈ રહ્યા હતા. આ દરમિયાન અચાનક પાછળથી એક કાળા રંગની BMW કાર ઝડપી ગતિએ લોકોને કચડી નાખે છે.
— ささやん (@xPxaETCskTDC92N) January 11, 2023
અલ જઝીરાના અહેવાલ મુજબ આ અકસ્માતમાં પાંચ લોકોના ઘટનાસ્થળે જ મોત થયા છે, જ્યારે 13 લોકો ઘાયલ થયા છે. આશ્ચર્યની વાત એ છે કે ટક્કર બાદ ડ્રાઈવર વાહનની બારીમાંથી નોટો ફેંકતો પણ જોવા મળ્યો છે. ઘટના બાદ ઘટનાસ્થળે ગભરાટ ફેલાયો હતો અને લોકો પોતાનો જીવ બચાવવા માટે અહીં-તહીં દોડી આવ્યા હતા. જેમને કારે કચડી નાખતા ઘટના સ્થળે જ મોત નિપજ્યા હતા.
યુવકની તાત્કાલિક ધરપકડ કરવામાં આવી હતી
નવાઈની વાત તો એ છે કે અનેક લોકોની હત્યા કર્યા બાદ પણ આરોપી યુવકને કોઈ જ શરમ નથી. જ્યારે પોલીસે તેને પકડવાનું શરૂ કર્યું ત્યારે તે નારા લગાવી રહ્યો હતો કે મારા કાકા ગુઆંગડોંગ પ્રાંતના કમ્યુનિસ્ટ પાર્ટી સેક્રેટરી છે. હાલ પોલીસે યુવકની તાત્કાલિક ધરપકડ કરી તેની પૂછપરછ કરવામાં આવી રહી છે. સ્થાનિક પ્રશાસને પણ તપાસના આદેશ આપ્યા છે.