રોહિત શર્માને મળવા ક્રિકેટ ચાહકે તમામ હદો પાર કરી, મેદાન પર તેના પગે પડયો

ટીમ ઈન્ડિયાનું તિરુવનંતપુરમ પહોંચ્યા બાદ ચાહકો તરફથી ભવ્ય સ્વાગત કરવામાં આવ્યું હતું, જ્યાં ટીમ બસની આસપાસ હજારો લોકો એકઠા થયા હતા. કેરળના ચાહકોમાં ખાસ કરીને ટીમના કેપ્ટન રોહિત શર્માને લઈને ઘણો ઉત્સાહ જોવા મળ્યો હતો. મેચ પહેલા રોહિત શર્માનો મોટો કટઆઉટ હતો. ત્યાં જ જ્યારે ચાહકોએ રોહિતને ટીમ બસમાં જોયો, ત્યારે તેઓએ તેની તસવીરો અને વીડિયો લેવાનું શરૂ કર્યું. રોહિતે પોતે પણ આવું જ કર્યું જ્યારે એક પ્રશંસકે મેચ દરમિયાન તમામ હદ વટાવી દીધી હતી.

ખરેખરમાં ભારતીય ટીમની બોલિંગ ઇનિંગ્સનો અંત આવતાની સાથે જ એક પ્રશંસક સ્ટેડિયમની તમામ હદો પાર કરીને મેદાન પર પહોંચી ગયો, કારણ કે તેને રોહિત શર્માને મળવાનું હતું. તેણે આવું કર્યું અને પછી મેદાનમાં જ રોહિત શર્માના પગને સ્પર્શ કર્યો. જો કે, બાદમાં તેમના પર પ્રતિબંધ પણ લાગી શકે છે અને આ ક્રિકેટ ફેનને સ્ટેડિયમમાં એન્ટ્રી ન મળી શકે, કારણ કે આ એક પ્રકારનો સુરક્ષા ભંગ હોવાનું કહેવાય છે, પરંતુ ચાહકોનો ક્રેઝ અલગ છે.

ઘણીવાર ક્રિકેટ ચાહકો પોતાના મનપસંદ ક્રિકેટરને મળવા માટે આવી હરકતો કરે છે. જોકે, રોહિત શર્મા એક અલગ પ્રકારનો ક્રિકેટર છે. તે મેચ બાદ મોટાભાગે પ્રશંસકોને મળવા પહોંચે છે, પરંતુ આ પ્રશંસકમાં ધીરજ ન રહી અને તે મેદાનમાં ઘુસી ગયો. જો કે, હજુ સુધી સ્ટેડિયમ પ્રશાસન તરફથી તે ફેન પર કોઈપણ પ્રકારની ફરિયાદ કે કાર્યવાહી સામે આવી નથી.

દરેક લેટેસ્ટ News અને Videos માટે લાઈક કરો