મહિલાનું ભાગ્ય તેના જન્મદિવસના એક દિવસ પહેલા ખુલી ગયુ હતું. મહિલાએ ‘બિગ બક્સ બિન્ગો લોટરી ગેમ’ હેઠળ 1.3 કરોડ રૂપિયાની ઈનામી રકમ જીતી હતી. કેથરીન રોબિન્સન ઉત્તર કેરોલિના (યુએસએ) ના છે. તેમના 68મા જન્મદિવસ પહેલા તેમને એક મોટી લોટરી જેકપોટ લાગી હતી. તે લાંબા સમયથી લોટરીની ટિકિટ ખરીદીને પોતાનું નસીબ અજમાવી રહી હતી. રોબિન્સને તેણે ખરીદેલી લોટરીની ટિકિટ માટે માત્ર 800 રૂપિયા ખર્ચ્યા હતા.
જ્યારે તેણીને ખબર પડી કે તેણીએ એક કરોડ રૂપિયાથી વધુની ઇનામી રકમ જીતી છે, ત્યારે તેણીને વિશ્વાસ ન થયો. વિજય બાદ કેથરિન રોબિન્સને કહ્યું કે તેને તેના જન્મદિવસ પહેલા જ એક અદ્ભુત ભેટ મળી છે. તેણે કહ્યું કે જ્યારે તે ટીનેજર હતી ત્યારે તે તેની માતા સાથે બિન્ગો ગેમ્સ (લોટરી) માટે જતી હતી. તેને આ રમત હંમેશા પસંદ આવી છે. રોબિન્સને કહ્યું કે તે આ ઈનામની રકમથી ઘર ખરીદશે.
ચિપ્સ ખરીદવા ગયેલી મહિલાને 57 લાખ રૂપિયાની લોટરી લાગી
તાજેતરમાં, યુએસએના નોર્થ કેરોલિનામાં રહેતી માર્સિયા ફિની એક ફૂડ સ્ટોરમાંથી ચિપ્સ ખરીદવા ગઈ હતી, તે દરમિયાન તેણે એક સ્ટોરમાંથી 2,000 રૂપિયાની લોટરીની ટિકિટ ખરીદી હતી. આ ટિકિટમાંથી તેને ટેક્સ બાદ 57 લાખ રૂપિયાની ઈનામી રકમ મળી હતી.
ત્યાં જ થોડા દિવસો પહેલા, 55 વર્ષીય અમેરિકન નાગરિક સ્કોટ સ્નાઈડરે 160 રૂપિયા ખર્ચીને 3 કરોડ રૂપિયાની ઈનામી રકમ જીતી હતી. તે લાંબા સમય સુધી લોટરી રમતી વખતે એક જ નંબરના સેટ પર સટ્ટો રમી રહ્યો હતો. આખરે તેનું નસીબ છવાઈ ગયું.
લોટરીનો બીજો કિસ્સો ત્યારે ખૂબ ચર્ચામાં આવ્યો હતો, જ્યારે બે મહિના પહેલા અમેરિકાની ઇલિનોઇસ લોટરીએ જાહેરાત કરી હતી કે કોઇએ 10,000 કરોડ રૂપિયાની લોટરી જીતી છે. પરંતુ 2 મહિના સુધી તેને લેવા કોઈ આવ્યું ન હતું. તાજેતરમાં જ બે લોકોએ આ મોટી ઈનામી રકમ પર પોતાનો દાવો કર્યો હતો.