27 વર્ષની આલિયા ઈસ્માઈલને મેલ બનીને તેની ઓળખ ગુમાવવાનો અહેસાસ થયો. 18 વર્ષની ઉંમરથી જ આલિયા તેના શરીરને લઈને થોડી મૂંઝવણ અનુભવતી હતી. થોડા વર્ષો પછી તેણે તેનું લિંગ બદલવાનું નક્કી કર્યું અને 20 વર્ષની ઉંમરે તબીબી રીતે તે નિર્ણયને અંતિમ અંજામ આપી દીધો.
નામ પણ બદલ્યું હતું
લિંગ પરિવર્તનની પ્રક્રિયામાં પુરુષ હોર્મોન ટેસ્ટોસ્ટેરોનની માત્રામાં વધારો થાય છે. ‘ટાઈમ્સ નાઉ’માં છપાયેલા અહેવાલ મુજબ આલિયાએ તેના લિંગ પરિવર્તનની સાથે તેનું નામ પણ બદલીને ઈસા રાખ્યું હતું. પરંતુ સમય જતાં તેને અહેસાસ થયો કે પુરૂષ હોવાના કારણે તે કોઈ ખાસ ઓળખ મેળવી શકતો નથી અને તેણે ફરીથી તેનું લિંગ બદલી નાખ્યું.
પરિવારના સભ્યોએ ટેકો આપ્યો
આલિયાએ જણાવ્યું કે જ્યારે તેના ગે હોવાની વાત સામે આવી તો પરિવારના સભ્યોએ તેનો સાથ આપ્યો. બધાએ તેના નિર્ણયને સંપૂર્ણ સમર્થન આપ્યું અને તેની લાગણીઓને સમજી. પરંતુ મેલ બન્યા પછી, જ્યારે આલિયાને તે ઓળખ ન મળી શકી જે તેણે કલ્પના કરી હતી, ત્યારે તેણે પુરુષ હોર્મોન્સ લેવાનું બંધ કરી દીધું. આ પછી તેનું એસ્ટ્રોજન લેવલ યથાવત્ રહ્યું અને ટેસ્ટોસ્ટેરોન ઘટવા લાગ્યું.
અફસોસ નથી
આલિયાને તેના કોઈપણ નિર્ણય પર કોઈ અફસોસ કે પસ્તાવો નથી. તેણી કહે છે કે તેણીને ગર્વ છે કે તેણીએ પોતાને અન્વેષણ કરવા અને નવા જીવનની શોધ કરવાની હિંમત એકત્ર કરી છે. આલિયા હંમેશા તેના લિંગ પરિવર્તન વિશે અવાજ ઉઠાવતી રહી છે જેથી અન્ય લોકો તેના અનુભવમાંથી કંઈક શીખી શકે.