શું તમને ખબર છે પૃથ્વી પર ની સૌથી ઊંડી જગ્યા વિષે? આ જગ્યા એટલી ઊંડી છે કે માઉન્ટ એવરેસ્ટ પણ તેમા…

દુનિયાના સૌથી ઉંચા શિખર માઉન્ટ એવરેસ્ટ (Mount Everest) વિશે દરેક વ્યક્તિને ખબર છે, પરંતુ પૃથ્વીના સૌથી ઊંડી જગ્યા (Deepest Point of Earth) વિશે બહુ ઓછા લોકો જાણતા હશે. જ્યારે આ જગ્યા એટલી ઉંડી છે કે જો તેમાં માઉન્ટ એવરેસ્ટ મૂકવામાં આવે તો તે પણ ડૂબી જશે અને તે પછી પણ સમુદ્રનું પાણી (Ocean’s Water) તેના પર વહેતું રહેશે. ચાલો જાણીએ આ જગ્યા ક્યાં છે અને કેટલી ઉંડી છે.

પ્રશાંત મહાસાગરમાં છે મારિયાના ટ્રેન્ચ: દુનિયાના સૌથી મોટા મહાસાગર પ્રશાંત મહાસાગર (Pacific Ocean) માં મારિયાના ટ્રેન્ચ (Mariana Trench) નામની જગ્યા છે, જે એટલી ઉંડી છે કે માઉન્ટ એવરેસ્ટ પણ તેમાં ડૂબી શકે છે. આ સ્થળ પશ્ચિમ પ્રશાંત મહાસાગરની પૂર્વમાં છે અને મારિયાના ટાપુઓની નજીક છે.

માઉન્ટ એવરેસ્ટ સમુદ્ર સપાટીથી 8,849 મીટર ઉપર છે, જ્યારે મારિયાના ટ્રેન્ચ દરિયાની સપાટીથી 11,000 મીટરથી વધુ ઊંડાઈ (Depth) છે. તેની ઊંચાઈ (Height) માઉન્ટ એવરેસ્ટની ઊંચાઈ કરતાં લગભગ 3 હજાર મીટર વધારે છે. એટલે કે, જો માઉન્ટ એવરેસ્ટ મારિયાના ટ્રેન્ચમાં ડૂબી જાય તો તેના શિખરથી 3 કિલોમીટર સુધી સમુદ્રનું પાણી હશે.

માત્ર 2 લોકો પહોંચ્યા છે તેની ઊંડાઈ સુધી: માઉન્ટ એવરેસ્ટ પર ચડવું ખૂબ જ મુશ્કેલ છે અને અત્યાર સુધી આ પ્રયાસમાં ઘણા લોકોએ જીવ ગુમાવ્યા છે. તેમ છતાં, એવા ઘણા લોકો છે જેમણે દુનિયાના સૌથી ઉંચા શિખર પર ધ્વજ ફરકાવ્યો છે. જ્યારે દુનિયાના સૌથી ઉંડા સ્થળ મારિયાના ટ્રેન્ચની ઊંડાઈ સુધી માત્ર 2 જ લોકો પહોંચી શક્યા છે.

આ કામ 1960 માં પણ કરવામાં આવ્યું હતું, જ્યારે નિવૃત્ત યુ.એસ. લેફ્ટનન્ટ ડોન વોલ્શ અને તેમના સ્વિસ સાથી જેક પિકાર્ડ સબમરીન દ્વારા લગભગ 10,790 મીટરની ઉંડાઇ સુધી ગયા હતા. ત્યારથી અત્યાર સુધી કોઈ પણ સમુદ્રના આ ઊંડાણ સુધી પહોંચી શક્યું નથી.