ગુજરાતમાં આગામી વિધાનસભાની ચૂંટણી માટે આમ આદમી પાર્ટી સહિત અન્ય પક્ષોએ પણ ચૂંટણીની તૈયારીઓ શરૂ કરી દીધી છે. દિલ્હીના મુખ્યમંત્રી અને AAPના રાષ્ટ્રીય કન્વીનર અરવિંદ કેજરીવાલ સતત ગુજરાતની મુલાકાતે આવી રહ્યા છે, જેમાં તેઓ આગામી ચૂંટણીમાં આમ આદમી પાર્ટીને મત આપવા લોકોને અપીલ કરતી અનેક રેલીઓને સંબોધિત કરી રહ્યા છે. અરવિંદ કેજરીવાલ અમદાવાદમાં સતત પોતાની હાજરી આપી રહ્યા છે. આ દરમિયાન ગુજરાત પોલીસે રવિવારે અમદાવાદમાં આમ આદમી પાર્ટીની ઓફિસ પર દરોડા પાડ્યા છે. AAP નેતા ઇસુદાન ગઢવીએ ટ્વિટ કર્યું કે, કેજરીવાલ અમદાવાદ પહોંચતાની સાથે જ ગુજરાત પોલીસે 2 કલાક સુધી દરોડા પાડ્યા હતા, પરંતુ તેમને કંઈ મળ્યું નહીં. આ દરમિયાન પોલીસે કહ્યું કે અમે ફરી આવીશું.
આ જ ટ્વીટના જવાબમાં અરવિંદ કેજરીવાલે કહ્યું હતું કે, ગુજરાતના લોકો તરફથી આમ આદમી પાર્ટીને મળી રહેલ અભૂતપૂર્વ સમર્થનથી ભાજપને ખૂબ જ આઘાત લાગ્યો છે, ગુજરાતમાં AAPની જોરદાર લહેર આવી છે. દિલ્હી બાદ હવે ગુજરાતમાં પણ દરોડાની કાર્યવાહી શરૂ કરવામાં આવી છે. દિલ્હીમાં કંઈ મળ્યું નથી અને ગુજરાતમાં પણ કંઈ મળ્યું નથી. આ સાથે તેમણે કહ્યું કે અમે કટ્ટર પ્રમાણિક અને દેશભક્ત લોકો છીએ.
गुजरात की जनता से मिल रहे अपार समर्थन से भाजपा बुरी तरह बौखला गयी है। “आप” के पक्ष में गुजरात में आँधी चल रही है
दिल्ली के बाद अब गुजरात में भी रेड करनी शुरू कर दी। दिल्ली में कुछ नहीं मिला, गुजरात में भी कुछ नहीं मिला
हम कट्टर ईमानदार और देशभक्त लोग हैं https://t.co/GBu1ddoSIY
— Arvind Kejriwal (@ArvindKejriwal) September 11, 2022
ગુજરાતની ચૂંટણી નજીક આવતાં ભાજપનો ડર વધી રહ્યો છેઃ મનીષ સિસોદિયા
આમ આદમી પાર્ટીના અમદાવાદ કાર્યાલયમાં દરોડા અંગે દિલ્હીના નાયબ મુખ્યમંત્રીએ ટ્વીટ કર્યું કે જેમ જેમ ગુજરાતની ચૂંટણી નજીક આવી રહી છે તેમ તેમ ભાજપનો ડર વધી રહ્યો છે. તેમણે કહ્યું કે ગુજરાત ચૂંટણીમાં બીજેપીનું એકમાત્ર લક્ષ્ય અરવિંદ કેજરીવાલ અને આમ આદમી પાર્ટીને કોઈક રીતે રોકવાનું છે. આ સાથે તેમણે ભાજપ પર સવાલ ઉઠાવતા કહ્યું કે, ‘હું બીજેપીને પૂછવા માંગુ છું કે તમે કેજરીવાલથી આટલા ડરો છો કેમ?’
અરવિંદ કેજરીવાલે ભાજપના કાર્યકરોને AAP માટે કામ કરવાની અપીલ કરી છે
આ પહેલા ગુજરાતમાં પ્રેસ કોન્ફરન્સને સંબોધતા અરવિંદ કેજરીવાલે ભાજપના કાર્યકરોને AAP માટે કામ કરવાની અપીલ કરી છે. તેમણે કહ્યું છે કે તમામ પન્ના પ્રમુખો, તમામ કાર્યકરોએ ભાજપમાં રહીને જ આમ આદમી પાર્ટી માટે કામ કરવું જોઈએ. જો અમારી સરકાર આવશે તો હું તમને મફત વીજળી, સારી શાળા અને મફત સારવાર આપીશ.