સાઉથ ઇન્ડિયાની ઘણી મોટી અને ભવ્ય ફિલ્મો થિયેટરોમાં હિટ થવાની તૈયારીમાં છે. તેની શરૂઆત મલયાલમ ફિલ્મ “મરક્ક્ડ- લાયન ઓફ ધ અરેબિયન સી” થી થાય છે, જેમાં સુપરસ્ટાર મોહનલાલ મુખ્ય ભૂમિકામાં છે અને સુનીલ શેટ્ટી પણ આ ફિલ્મમાં મુખ્ય ભૂમિકા ભજવતા જોવા મળશે.
નિર્માતાઓએ ગુરુવારે આ જંગી રિલીઝ અંગે ચોંકાવનારો દાવો કર્યો છે, જે મુજબ આ ફિલ્મે એડવાન્સ બુકિંગ દ્વારા 100 કરોડ રૂપિયા એકત્રિત કર્યા છે. આ ફિલ્મનું નિર્માણ એન્ટની પર્મ્બવુરે કર્યું છે જ્યારે દિગ્દર્શક પ્રિયદર્શન છે. મલયાલમ ઉપરાંત આ ફિલ્મ હિન્દી, તમિલ, તેલુગુ અને કન્નડ ભાષાઓમાં પણ રજૂ થઈ રહી છે.
મોહનલાલે આ ફિલ્મ વિશે માહિતી શેર કરી હતી જેમાં કહેવામાં આવ્યું હતું કે આ ફિલ્મ ગુરુવારે વિશ્વભરમાં 4100 સ્ક્રીન પર રિલીઝ થઈ રહી છે અને દરરોજ 16,000 શો ચાલશે. પોસ્ટરમાં પહેલી ભારતીય ફિલ્મ હોવાનો દાવો કરવામાં આવ્યો છે, જે રિલીઝ પહેલા એડવાન્સ બુકિંગ દ્વારા 100 કરોડ ક્લબમાં પ્રવેશી છે.
મરક્ક્ડ માં અર્જુન સરજા, મંજુ વોરિયર અને સિદ્દિક પણ મુખ્ય ભૂમિકામાં જોવા મળશે. ફિલ્મનું ટ્રેલર મંગળવારે રિલીઝ થયું હતું જેનો અંદાજ ફિલ્મની ભવ્યતા પરથી લગાવી શકાય છે. મરક્ક્ડ એક પીરિયડ વોર ફિલ્મ છે જેની વાર્તા 17 મી સદીના કોઝિકોડમાં સેટ કરવામાં આવી છે. આ ફિલ્મમાં મોહનલાલ કુંડલી મરક્ક્ડ તરીકે છે, જે કાલિકટ વંશના દરિયાઈ કાફલાના એડમિરલ છે.