ન્યૂયરની પાર્ટી પછી અંજલિ તેની સહેલી સાથે સ્કૂટી પર નીકળી હતી… દિલ્હીના ભયાનક કેસમાં સીસીટીવી ફૂટેજ

દિલ્હીના સુલતાનપુરીમાં થયેલા માર્ગ અકસ્માતમાં એક નવો ખુલાસો થયો છે. અંજલિના સીસીટીવી ફૂટેજ સામે આવ્યા છે. અંજલી ન્યૂયર પાર્ટી પછી સવારે 1.45 વાગ્યે હોટલમાંથી બહાર નીકળતી જોવા મળે છે. આટલું જ નહીં અંજલિ સાથે તેની સહેલી પણ જોવા મળે છે. નિધિ સ્કૂટી ચલાવી રહી છે જ્યારે અંજલિ પાછળ બેઠી છે. થોડા સમય પછી અંજલિ કહે છે કે તે સ્કૂટી ચલાવશે. આ પછી તે આગળ સ્કૂટી ચલાવવા લાગે છે અને તેની અહેલી પાછળ બેસે છે.

તેના થોડા સમય બાદ તેની સ્કૂટી આરોપીની કાર સાથે અથડાય છે. અકસ્માત દરમિયાન બીજી યુવતીને સામાન્ય ઈજાઓ થતાં તે પોતાના ઘરે જતી રહી હતી. પરંતુ અંજલિનો પગ કારની એક્સેલમાં ફસાઈ ગયો, ત્યારબાદ કારમાં બેઠેલા આરોપીઓ અંજલિને 13 કિમી સુધી ખેંચી ગયા.

પોલીસે યુવતીનું નિવેદન નોંધ્યું હતું

કહેવામાં આવી રહ્યું છે કે અંજલિ સાથે અકસ્માત સમયે હાજર યુવતીની ઓળખ કર્યા બાદ પોલીસે તેનું નિવેદન નોંધ્યું છે. હવે પોલીસ કોર્ટમાં યુવતીનું નિવેદન આપવશે.

પીડિતાની લાશ કાંઝાવાલામાં મળી આવી હતી

નવા વર્ષ પહેલા દિલ્હીના કાંઝાવાલામાં એક યુવતીની નગ્ન અવસ્થા લાશ મળી આવી હતી. માહિતી મળતાં જ પોલીસ ઘટનાસ્થળે પહોંચી તો શરીરના ઘણા ભાગો કપાયેલા હતા. પોલીસે તપાસ કરી તો પોલીસને ઘટનાસ્થળેથી થોડે દૂર એક સ્કૂટી મળી આવી હતી, જે ક્રેશ થયેલ હતી. સ્કૂટીના નંબરના આધારે યુવતીની ઓળખ ટ્રેસ કરવામાં આવી હતી. બાદમાં પોલીસે તપાસ બાદ કાર કબજે કરી હતી અને 1 જાન્યુઆરીની મોડી સાંજ સુધી તમામ 5 આરોપીઓની ધરપકડ કરી હતી.

પોલીસનો દાવો છે કે કારમાં સવાર 5 યુવકોએ એક યુવતીને ટક્કર મારી, પછી તેને રસ્તા પર 4 કિમી સુધી ખેંચી લીધી, જેના કારણે તેનું મોત થયું. જોકે, બાદમાં પોલીસે જણાવ્યું કે આરોપી પીડિતાને કારમાં 13 કિમી સુધી ખેંચી ગયો હતો. પોલીસે જણાવ્યું કે પૂછપરછ દરમિયાન આરોપીઓએ કબૂલ્યું કે તેઓ નશામાં હતા, આવી સ્થિતિમાં તેમને ખબર ન હતી કે અકસ્માત બાદ પીડિતા તેમની કારમાં ફસાઈ ગઈ હતી. આટલું જ નહીં, આરોપીઓએ જણાવ્યું કે જ્યારે તેમને ખબર પડી કે પીડિતાનો મૃતદેહ કારમાં ફસાઈ ગયો છે તો તેઓ તેને છોડીને ભાગી ગયા. પોલીસની આ થિયરી પર સવાલો ઉઠી રહ્યા છે. મૃતક યુવતીના પરિવારજનોએ પણ પોલીસની કાર્યવાહી પર સવાલો ઉઠાવ્યા છે. તેણે આ ઘટનાની તુલના દિલ્હીના નિર્ભયા કેસ સાથે કરી છે.

અંજલિ ઘરમાં એકમાત્ર કમાવનાર હતી

મૃતકની માતાએ જણાવ્યું કે મારી બંને કિડની ખરાબ છે. ઘર ચલાવનાર એકમાત્ર દીકરી હતી. ઘરમાં કમાવનાર બીજું કોઈ નથી. હું અહીં માતાના ઘરે રહું છું. સાસરીમાં તૂટેલું ઘર છે. રાત્રે 10 વાગ્યા બાદ પુત્રીનો ફોન સ્વીચ ઓફ આવ્યો હતો. તેણે પોલીસની કાર્યવાહી પર સવાલ ઉઠાવ્યા અને કહ્યું- જો કંઈ ખોટું ન થયું હોત તો દીકરી આવી હાલતમાં ન મળી હોત. રસ્તા પર ખેંચાવાને કારણે કપડાની છાલ ઉતરી ગઈ હતી, પરંતુ પુત્રી સંપૂર્ણપણે નગ્ન મળી આવી છે. તેના શરીર પર કપડું નહોતું. દીકરી પર બળાત્કાર ગુજાર્યો, પછી હત્યા કરી રસ્તા પર ફેંકી દીધી. જેથી તે અકસ્માત જેવું લાગે.

દરેક લેટેસ્ટ News અને Videos માટે લાઈક કરો