મેગાસીટી અમદાવાદમાં હવે દિવસેને દિવસે ગુનાખોરીનું પ્રમાણ વધી રહ્યું છે તેમા પણ મહિલાઓ પર થતા અત્યાચારા કિસ્સાઓ હવે આપણા સમાજ માટે એક ગંભીર પ્રશ્ન બન્યો છે ત્યારે વધુંમાં ફરી એક વાર અમદાવાદમાં એક મહિલા સામૂહિક દુષ્કર્મનો ભોગ બની છે સાંભળીને તમને નવાઈ લાગશે કે આરોપીઓએ મહિલાને ડ્રગ્સ આપીને તેની સાથે દુષ્કર્મ આચર્યું હતું.
મહિલાનું મોત
જોકે ડ્રગ્સ ઓવરડોઝને કારણે મહિલાનું મોત થઈ ગયું આ ઘટના સામે આવ્યા બાદ લોકોમાં હવે રોષનો માહોલ ફેલાયેલો છે આરોપીઓએ ધોળે દિવસે પરિણીતાને રિક્ષામાં બેસાડી હતી જ્યાથી તેને તેઓ એક આવવરું જગ્યાએ લઈ ગયા અને તેની સાથે દુષ્કર્મ આચર્યું હતું જોકે પહેલા આરોપીઓએ અલ્પરાઝોલમ નામનું ડ્રગ્સ પીવડાવ્યું હતું જેના કારણે મહિલાનું મોત નિપજ્યું.
આરોપીઓની પોલીસે કરી ધરપકડ
સમગ્ર ઘટના મામલે પોલીસે જ્યારે જાણ થઈ ત્યારે પોલીસ પણ દોડતી થઈ ગઈ ઘટનાની ગંભીરતાને ધ્યાનમાં રાખીને પોલીસે આ કેસના ત્રણ આરોપીઓને ઝડપી પાડ્યા છે જેમને હાલ તેમની કરતૂતને કારણે જેલના સળી ગણવાનો વારો આવ્યો છે પરંતુ આ ઘટનાને કારણે હાલ લોકોમાં રોષનો માહોલ ફેલાયો છે સાથેજ મહિલાઓની સુરક્ષાને લઈને ઘણા સવાલો ઉભા થઈ રહ્યા છે.
ડ્રગ્સ મુદ્દે તપાસ આરંભી
પોલીસ હાલ એ મુદ્દે તપાસ કરી રહી છે કે આરોપીઓ પ્રતિંબંધિત ડ્રગ્સની દવાઓ ક્યાથી લાવ્યા હતા પરિણિત ચંડોળા વિસ્તાર પાસેથી રિક્ષમાં મુસાફર તરીકે બેસી હતી ત્રણેય આરોપીઓએ મહિલાને ડ્રગ્સ આપી દીધું અને દાણીલીમડામાં વિસ્તારમાં તેને એક ખાલી મકાનમાં લઈ ગયા હતા જ્યા તેની સાથે સામૂહિક દુષ્કર્મ આચરીને તેની હત્યા કરી નાખી હતી.
હત્યાને અંજામ આપીને ફરાર
એવી માહિતી સામે આવી છે કે હવસખોર આરોપીઓએ મહિલાના મોઢાના પર રૂમાલ બાંધી હતી જેથી તે બૂમાબૂમ કરીને કોઈને બોલાવી શકે અને બાદમાં તેની સાથે દુષ્કર્મ આચર્યું હતું જોકે જ્યારે આરોપીઓને જાણ થઈ કે મહિલાનું મોત થઈ ગયું છે ત્યારે તેઓ મહિલાને ત્યાજ મુકીને ત્યાથી ફરાર થઈ ગયા હતા પરતું પોલીસની પકડથી આ આરોપીઓ બચી ન શક્યા.
દમ ઘુટાઈ જતા મહિલાનું મોત
ઉલ્લેખનીય છે કે ભોગ બનનાર મહિલાને આરોપીઓએ ડ્રગ્સ પીવડાવી દીધો હતો સાથેજ મહિલાના મોઢાના ભાગે તેમણે રૂમાલનો ડૂચો મારી દીધો જેના કારણે મહિલાનો દમ ઘુટાઈ ગયો તે ન તો કોઈને કહી શકે ન તો સહી શકે તેવી તેની સ્થિતી થઈ ગઈ હતી જેના કારણે મહિલાએ અંતે તેના શ્વાસ છોડી દીધા જોકે આ બનાવને કારણે શહેરમાં શાંતિ અને સલામતીને લઈને અનેક સવાલો ઉઠી રહ્યા છે સાથેજ ક્યાકને ક્યાંક લોકોમાં હવે રોષનો માહોલ જોવા મળી રહ્યો છે.