લગ્નના 6 વર્ષ પહેલા પાર્ટીમાં માંગમાં સિંદૂર ભરીને પહોંચી હતી ઐશ્વર્યા રાય, થયો મોટો ખુલાસો
ફિલ્મમેકર ફરાહ ખાને યાદોના બોક્સમાંથી એક સુંદર તસવીર શેર કરી છે. આ તસવીરમાં તેની સાથે ઈન્ડસ્ટ્રીના લોકપ્રિય સ્ટાર્સ જોવા મળી રહ્યા છે. જેમાં કરણ જોહર, સાજિદ ખાન, રાની મુખર્જી, ફરહાન અખ્તર અને ઐશ્વર્યા રાય જોવા મળી રહી છે. પરંતુ આ તસવીરમાં દર્શકોનું ધ્યાન માત્ર ઐશ્વર્યા રાય બચ્ચન પર જ અટકી જાય છે. તેનું કારણ એ છે કે ઐશ્વર્યાની માંગમાં સિંદૂર લગાવેલુ હતું.
આ તસવીર કેમ ખાસ છે
ફરાહ ખાને આ તસવીર સાથે આ ફોટોનું રહસ્ય પણ જણાવ્યું હતું. તેણે જણાવ્યું કે આ તસવીર વર્ષ 2001ની છે. જ્યારે તેણે પ્રથમ વખત તેનું ઘર ખરીદ્યું હતું. કરણ જોહર માટે પણ તેણે લખ્યું, આ ખૂબ જ દુર્લભ તસવીર છે જ્યારે કરણ જોહર પહેલીવાર બિન-ડિઝાઇનર કપડામાં જોવા મળ્યો હતો. આ સાથે ફિલ્મ નિર્માતાએ ઐશ્વર્યા રાયની માંગનું સિંદૂર પણ જાહેર કર્યું.
ફરાહ ખાને જણાવ્યું કારણ
ઐશ્વર્યા રાયે વર્ષ 2001માં લગ્ન કર્યા ન હતા. પરંતુ આ તસવીરમાં તે સિંદૂર લગાવીને તે જોવા મળી રહી છે. જેના કારણે ફેન્સ આતુર છે કે 21 વર્ષ પહેલા ઐશ્વર્યા રાય ફરાહ ખાનની પાર્ટીમાં આવું સિંદૂર પહેરીને કેમ પહોંચી હતી. આનો જવાબ ફરાહ ખાને પોતાની પોસ્ટમાં આપ્યો છે.
View this post on Instagram
ઐશ્વર્યા રાય બચ્ચને લગ્નના 6 વર્ષ પહેલા સિંદૂર કેમ લગાવ્યું હતું
ફરાહ ખાને આ દુર્લભ તસવીર વિશે જણાવ્યું કે શા માટે ઐશ્વર્યા લગ્નના છ વર્ષ પહેલા સિંદૂર લઈને આવી હતી. ખરેખરમા ઐશ્વર્યા રાય બચ્ચન તે સમયે સંજય લીલા ભણસાલી અને શાહરૂખ ખાનની ફિલ્મ દેવદાસ કરી રહી હતી. તે સેટ પરથી સીધી ફરાહ ખાનના ઘરે પહોંચી ગઈ હતી અને તેથી જ તેના કપાળ પર સિંદૂર લગાવ્યું હતું.
ઐશ્વર્યાના લગ્ન ક્યારે થયા હતા?
તમને જણાવી દઈએ કે ઐશ્વર્યા રાય બચ્ચને વર્ષ 2007માં અમિતાભ બચ્ચન અને જયા બચ્ચનના પુત્ર અભિષેક બચ્ચન સાથે લગ્ન કર્યા હતા. તેમને એક પુત્રી આરાધ્યા પણ છે.
