તમે લોકોના રાતોરાત કરોડપતિ બનવા વિશે ઘણી વાર સાંભળ્યું હશે. પરંતુ ઈનામની આટલી મોટી રકમ સાંભળીને તમે પણ ચોંકી જશો. અમન પાંડે મધ્ય પ્રદેશના ઈન્દોર શહેરમાં ‘બગ્સ મિરર’ નામની કંપની ચલાવે છે. ખરેખર, અમન પાંડેને ગૂગલમાં લગભગ 300 ભૂલો મળી છે, જેના કારણે ગૂગલે તેને કરોડો રૂપિયાનું ઈનામ આપ્યું છે.
અમને ગૂગલ સિવાય સેમસંગ અને એપલની કેટલીક ભૂલો પણ દૂર કરી છે. અમને તેના મિત્ર માનસ જૈન સાથે મળીને આ કારનામું કર્યું છે. આ બંને મિત્રો હવે તેમની કંપની ‘બગ્સ મિરર’ દ્વારા આ ત્રણ મોટી કંપનીઓ માટે પણ કામ કરી રહ્યા છે.
ઈનામમાં મળ્યા કરોડો રૂપિયા, જાણીને ચોંકી જશો
ગૂગલે કહ્યું છે કે તેણે તેની વિવિધ સેવાઓ માટે બગની જાણ કરનારાઓને 8.7 મિલિયન ડોલર ચૂકવ્યા છે. આમાં ઈન્દોરના અમન પાંડે અને તેમની કંપની બગ્સમિરર ટોપ પર છે. ગૂગલે બ્લોગમાં આનો ઉલ્લેખ કર્યો છે. જેના માટે ગૂગલે તેને લગભગ 66 કરોડ રૂપિયા ઈનામ તરીકે આપ્યા છે.
અમનની કંપનીએ વર્ષ 2021માં માત્ર 232 બગ્સ નોંધાવ્યા છે. ગૂગલના જણાવ્યા અનુસાર, અમને સૌપ્રથમ 2019માં બગની જાણ કરી હતી. ત્યારથી, તેણે Android વલ્નરેબિલીટી રિવોર્ડ પ્રોગ્રામ (VRP) માટે 280 થી વધુ વલ્નરેબિલીટી વિશે જાણ કરી છે.
ભોપાલ NITમાંથી અભ્યાસ કર્યો
અમને ભોપાલ NITમાંથી B.Tech કર્યું છે. ત્યારથી અમન સિક્યોરિટી સેક્ટરમાં કામ કરી રહ્યો છે. ભોપાલથી B.Tech કર્યા બાદ અમને 2021માં પોતાની કંપની રજીસ્ટર કરાવી હતી. અમનની કંપની બગ્સમિરર ગૂગલ, એપલ અને અન્ય કંપનીઓને તેમની સુરક્ષા સિસ્ટમને વધુ મજબૂત બનાવવામાં મદદ કરે છે. અમન મૂળ ઝારખંડનો છે. તેણે પતરાતુની ડીએવી સ્કૂલમાંથી 10મા ધોરણ સુધી અભ્યાસ કર્યો છે. અમને બોકારોની ચિનામાયા સ્કૂલમાંથી 12માનો અભ્યાસ કર્યો છે.
બગ્સમિરર નામની અમનની કંપનીમાં લગભગ 15 સભ્યોનો સ્ટાફ છે. અમન તેની ટીમ સાથે આ દિવસોમાં ઈન્દોરમાં કામ કરી રહ્યો છે. અમન દાવો કરે છે કે તેમની ટીમ સાવચેતીપૂર્વક કામ કરી રહી છે, જે અન્ય પ્લેટફોર્મને વધુ સુરક્ષિત બનાવવામાં સતત મદદરૂપ સાબિત થઈ છે.