Business

આનંદ મહિન્દ્રાએ RBIના ઈ-રુપિયા દ્વારા પ્રથમ પેમેન્ટ કર્યું, જાણો શું ખરીદ્યું?

દેશમાં ડિજિટલ રૂપિયો એટલે કે ઈ-રૂપિયો હવે વાસ્તવિકતા બની ગયો છે. આ દરમિયાન દેશના જાણીતા ઉદ્યોગપતિ આનંદ મહિન્દ્રાએ આ દ્વારા તેમની પ્રથમ ચુકવણી કરી છે. બુધવારે રિઝર્વ બેંક ઓફ ઈન્ડિયા (RBI)ની બોર્ડ મીટિંગમાંથી બહાર નીકળ્યા બાદ તેમણે તેનો ઉપયોગ કરીને ખરીદી કરી અને ટ્વિટર પર તેની વીડિયો ક્લિપ શેર કરી હતી.

આનંદ મહિન્દ્રાએ કાર્ટમાંથી ફળો ખરીદ્યા

આરબીઆઈનો ડિજિટલ રૂપિયો શરૂ કરવામાં આવ્યો છે અને હવે તેના દ્વારા ચુકવણી કરવી ખૂબ જ સરળ બની ગઈ છે. મહિન્દ્રા એન્ડ મહિન્દ્રા ગ્રૂપના ચેરમેન આનંદ મહિન્દ્રાએ તેમના ટ્વિટર હેન્ડલ દ્વારા પોસ્ટ કર્યું છે કે તેમણે E-રૂપિયા દ્વારા પ્રથમ ચુકવણી કરી છે. આ ઈ-રૂપિયાનું ટેસ્ટિંગ કરતી વખતે આનંદ મહિન્દ્રાએ તેના દ્વારા એક કાર્ટમાંથી ફળો ખરીદ્યા હતા.

આરબીઆઈની બેઠક બાદ પરીક્ષણ

મહિન્દ્રાના ચેરમેન આનંદ મહિન્દ્રાએ તેમના ટ્વિટમાં લખ્યું છે કે, ‘જ્યારે તેમને રિઝર્વ બેંકના બોર્ડમાં જોડાયા બાદ બહાર આવ્યા હતા, ત્યારે તેમણે બેંકની પાસે એક લારી પરથી ફળો વેચતા લાલ સાહની પાસેથી ફળો ખરીદ્યા હતા અને R-Rupee ચૂકવ્યું હતું.’ તેમણે કહ્યું કે ડિજિટલ રૂપિયાનું ટેસ્ટિંગ સારો અનુભવ હતો અને બચન લાલ દેશના પહેલા એવા વેપારી છે જે ઈ-રૂપી દ્વારા પેમેન્ટ સ્વીકારી રહ્યા છે.

મહિન્દ્રાએ કહ્યું- સરળ પેમેન્ટ સાથે સારા દાડમ મેળવો

આનંદ મહિન્દ્રાએ ઈ-રૂપીનો ઉપયોગ કરીને લાલ સાહનીની ગાડીમાંથી દાડમ ખરીદ્યા હતા. પોતાના ટ્વીટમાં ખુશી વ્યક્ત કરતા, અબજોપતિ ઉદ્યોગપતિએ આગળ લખ્યું, ‘#DigitalIndia ઇન એક્શન! આ સરળ પેમેન્ટ પછી મને સારા દાડમ પણ મળ્યા. આનંદ મહિન્દ્રા દ્વારા ટ્વિટર હેન્ડલ પર પોસ્ટ કરવામાં આવેલી આ વીડિયો ક્લિપ 1 મિનિટ 4 સેકન્ડની છે.

મહિન્દ્રાના ચેરમેનના કરોડો ફોલોઅર્સ છે

આનંદ મહિન્દ્રા દ્વારા ટ્વિટર પર પોસ્ટ કરાયેલ રમુજી, નવીન વિચારો અને પ્રેરક ટ્વીટ્સ વપરાશકર્તાઓ દ્વારા પસંદ કરવામાં આવે છે. આવું જ કંઈક તેના નવા ટ્વીટ સાથે થયું છે, જેને યૂઝર્સ ખૂબ પસંદ અને શેર કરી રહ્યા છે. આનંદ મહિન્દ્રાની ટ્વિટર પર મોટી સંખ્યામાં ફેન ફોલોઈંગ છે. તેમના ફોલોઅર્સની સંખ્યા એક કરોડથી વધુ છે.

Related Articles

Back to top button

Adblock Detected

Please consider supporting us by disabling your ad blocker