ટ્રાફિક ની વધતી સમસ્યા ને કારણે મેન્યુઅલ ટ્રાન્સમિશન વાળું વાહન ચલાવવું થોડું મુશ્કેલ થતું જાય છે.આ જ કારણ છે કે લોકો હવે ઓટોમેટિક ગિયરબોક્સવાળી કારને પસંદ કરી રહ્યા છે. તે વાહન ચલાવવા માટે ખૂબ જ સરળ છે. ઉપરાંત, તે તમારા પગને બમ્પર-ટુ-બમ્પર ટ્રાફિકમાં થાકવા દેતા નથી.
જ્યારે મેન્યુઅલ ગિયરબોક્સમાં તમારા પગ દુખવા લાગે છે. જો તમે ઓટોમેટિક ગિયરબોક્સ સાથે વાહન ખરીદવાનું વિચારી રહ્યા છો, તો તમારે આ માટે બજેટમાં વધારે વધારો કરવાની જરૂર નથી. આજે અમે તમને 5 લાખ રૂપિયાથી ઓછામાં ઉપલબ્ધ ઓટોમેટિક વાહનો વિશે જણાવી રહ્યા છીએ.
1. રેનોલ્ટ ક્વીડ: રેનોલ્ટની લોકપ્રિય હેચબેક કાર રેનોલ્ટ KWID આ યાદીમાં આવે છે. કારની કિંમત 3.31 લાખ રૂપિયાથી શરૂ થાય છે, જોકે ઓટોમેટિક વેરિએન્ટ (1.0 RXL AMT) ની કિંમત તમને 4.89 લાખ રૂપિયા (એક્સ-શોરૂમ) શરૂ થશે.
આ વેરિએન્ટમાં તમને 1.0 લિટર પેટ્રોલ એન્જિન મળે છે, જે 68ps પાવર અને 91Nm પીક ટોર્ક ઉત્પન્ન કરવામાં સક્ષમ છે.આ એન્જિન ઓટોમેટિક ગિયરબોક્સ સાથે 22 kmpl સુધીનું માઇલેજ આપે છે. કારના ટોચના મોડેલમાં કીલેસ એન્ટ્રી, રિવર્સ પાર્કિંગ કેમેરા, મેન્યુઅલ એસી, એપલ કારપ્લે અને એન્ડ્રોઇડ ઓટો સાથે 8 ઇંચની ટચસ્ક્રીન ઇન્ફોટેઇનમેન્ટ સિસ્ટમ જેવી સુવિધાઓ છે.
2. મારુતિ એસ-પ્રેસો: 5 લાખ થી ઓછા બજેટ મા મારુતિ એસ્પ્રેસો ઓટોમેટિક ગિયરબોક્સ પણ આપે છે. તમે બે વેરિએન્ટ VXI AT અને VXI Opt AT માંથી પસંદ કરી શકો છો, જેની કિંમત અનુક્રમે 4.90 લાખ અને 4.96 લાખ રૂપિયા (એક્સ-શોરૂમ) છે. તેનું 1.0 લિટર પેટ્રોલ એન્જિન 67PS પાવર અને 90Nm પીક ટોર્ક ઉત્પન્ન કરવામાં સક્ષમ છે.
આ કાર 21.7 kmpl સુધી માઇલેજ આપે છે. ટોપ-એન્ડ મોડેલમાં ડિજિટલ ઇન્સ્ટ્રુમેન્ટ ક્લસ્ટર, એપલ કારપ્લે અને એન્ડ્રોઇડ ઓટો સાથે 7-ઇંચ ટચસ્ક્રીન ઇન્ફોટેનમેન્ટ સિસ્ટમ, ફ્રન્ટ પાવર વિન્ડો અને કીલેસ એન્ટ્રી જેવી સુવિધાઓ છે.
3. Datsun redi-GO: આ યાદીમાં ત્રીજી કાર તરીકે ડટસૂન ગો ને સમાવી શકાય છે. તમે કારનું ઓટોમેટિક વેરિએન્ટ (AMT 1.0 T Option) 4.98 લાખ રૂપિયા (એક્સ-શોરૂમ) ની કિંમતે ખરીદી શકો છો. આ વેરિએન્ટમાં તમને 1.0 લિટર પેટ્રોલ એન્જિન મળે છે, જે 69PS પાવર અને 91Nm પીક ટોર્ક આપવા સક્ષમ છે. આ એન્જિન ઓટોમેટિક ગિયરબોક્સ સાથે 22.0 kmpl સુધીનું માઇલેજ આપે છે.
ટોપ-એન્ડ ફિચર્સમાં એલઇડી ડીઆરએલ, એલઇડી ફ્રન્ટ ફોગ લેમ્પ્સ, ડિજિટલ ટેકોમીટર, ડ્યુઅલ ટોન 14 ઇંચ વ્હીલ કવર, એન્ડ્રોઇડ ઓટો અને એપલ કારપ્લે સાથે 8 ઇંચ ટચસ્ક્રીન ઇન્ફોટેનમેન્ટ સિસ્ટમ અને કીલેસ એન્ટ્રીનો સમાવેશ થાય છે.