ડ્રાઈવર વગર ઓટો રિક્ષા રોડ પર ચક્કર લગાવતી રહી, લોકો જોઈને થઇ ગયા અચંભિત

સોશિયલ મીડિયા પર રોડ એક્સિડન્ટ કે વાહનની ટક્કરનો અનેક વીડિયો સામે આવી રહ્યો છે, પરંતુ વિચારો કે કોઈ વાહન કે મોટર કોઈ ડ્રાઈવર વગર ચાલી રહી હોય તો કદાચ નવાઈ લાગશે. આવો જ એક વીડિયો સામે આવ્યો છે જેમાં જોવા મળી રહ્યું છે કે એક ઓટો રિક્ષા ડ્રાઈવર વગર રોડ પર ફરતી રહી.

મહારાષ્ટ્રના રત્નાગીરી માર્કેટની ઘટના
વાસ્તવમાં આ ઘટના મહારાષ્ટ્રના રત્નાગીરીની છે. અહીં સ્થિત એક માર્કેટમાં રસ્તા પર એક દ્રશ્ય જોઈને કેટલાક લોકો ડરી ગયા અને તેમને લાગ્યું કે કદાચ ત્યાં કોઈ ભૂત આવી ગયું છે. લોકોએ જોયું કે અહીં એક ઓટો રિક્ષા ડ્રાઈવર વગર રોડ પર ચક્કર લગાવતી રહી. જેને જોવા લોકોના ટોળા ઉમટી પડ્યા હતા. લોકો મોબાઈલથી વીડિયો બનાવવા લાગ્યા.

લોકોની સમજની બહાર
આ જોઈને લોકોને સમજાયું નહીં કે ડ્રાઈવર વગર ઓટો રિક્ષા કેવી રીતે ચાલી રહી છે. કેટલાક લોકોએ આ ઓટો રિક્ષાને રોકવાનો પ્રયાસ પણ કર્યો પરંતુ તેને રોકી ન શકી અને તે આગળ વધી રહી હતી. આખરે ભીડમાંથી કેટલાક લોકો ફરી આગળ આવ્યા અને ઘણી મહેનત પછી ઓટો રોકી દીધી. જોકે, સારી વાત એ છે કે આ દરમિયાન કોઈને ઈજા થઈ નથી.

Autorickshaw free from election rally. pic.twitter.com/Qndv5DfNzd

— Raghav Masoom (@comedibanda) December 2, 2022

સત્ય પ્રગટ થયું
છેલ્લી ઘડી સુધી લોકો સમજી શક્યા નહોતા કે ડ્રાઈવર વગર ઓટો રોડ પર કેવી રીતે ધમધમે છે. અહીં રોડ પર ટ્રાફિક જામ થઈ ગયો હતો. વાતચીતમાં ખબર પડી કે અચાનક આ ઓટો રિક્ષાનું સ્ટિયરિંગ લોક થઈ ગયું. સ્ટિયરિંગ લોકના કારણે ઓટો લગભગ બે મિનિટ સુધી ડ્રાઈવર વગર રોડ પર ચક્કર લગાવતી રહી. હાલમાં તેનો વીડિયો જોરદાર વાયરલ થઈ રહ્યો છે.