સ્થાનિકોનું કહેવું છે કે ટીએમસીના એક જૂથના સભ્યો દ્વારા આગ લગાવવામાં આવી હતી. જો કે તૃણમૂલ કોંગ્રેસે આ આરોપોને નકારી કાઢ્યા છે. બીરભૂમ જિલ્લા ટીએમસી પ્રમુખ અનુબ્રત મંડલે મંગળવારે બપોરે દાવો કર્યો હતો કે હિંસા દરમિયાન આગ લગાડવામાં આવી ન હતી.
તેમણે કહ્યું કે શોર્ટ સર્કિટના કારણે આગ લાગી હતી અને તેના કારણે ઘરોમાં આગ લાગી હતી. TMC કાર્યકર્તાઓના ભાગ પરના હુમલાને નકારી કાઢતા, મંડલે કહ્યું, “લોકોના ઘરોમાં શોર્ટ સર્કિટને કારણે આગ લાગી હતી અને તેના કારણે જ મોત થયા હતા.” સોમવારે રાત્રે કોઈ હિંસા થઈ ન હતી.
એક ફાયર બ્રિગેડ કર્મચારી, જેમણે નામ ન આપવાની શરતે વાત કરી, જણાવ્યું હતું કે તેઓને ઓછામાં ઓછા 10 મકાનો આગથી નાશ પામ્યા હોવાનું જણાયું હતું. “અમને કેટલાક સ્થાનિક લોકોએ આગ ઓલવતા અટકાવ્યા હતા,” તેમણે કહ્યું. અત્યાર સુધી અમને એક ઘરમાંથી 7 મૃતદેહ મળ્યા છે. તેઓ એટલી ખરાબ રીતે દાઝી ગયા છે કે એ પણ જાણી શકાયું નથી કે પીડિત પુરુષો, મહિલા કે સગીર હતા. હાલ મોટી સંખ્યામાં પોલીસ દળો સ્થળ પર તૈનાત છે અને વિસ્તારને કોર્ડન કરી લેવામાં આવ્યો છે. મમતા સરકારમાં મંત્રી ફિરહાદ હકીમ અને રામપુર હાટના ધારાસભ્ય આશિષ બેનર્જી સ્થળ પર પહોંચી રહ્યા છે.
બાઇક સવાર 4 લોકોએ કરી શેખની હત્યા: ટીએમસીના પંચાયત નેતા ભાદુ શેખ પર ચાર મોટરસાઇકલ સવારોએ હુમલો કર્યો હતો. હુમલાખોરોએ તેમના ચહેરા ઢાંકેલા હતા, જેથી તેમની ઓળખ થઈ શકી ન હતી. ગોળીબાર થયા પછી તરત જ, શેખને રામપુર હાટની સરકારી હોસ્પિટલમાં લઈ જવામાં આવ્યો, જ્યાં તેને મૃત જાહેર કરવામાં આવ્યો.
West Bengal | Around 10-12 houses were set on fire last night. A total of 10 dead bodies have been recovered, 7 dead bodies were retrieved from a single house: Fire officials on death of several people after a mob allegedly set houses on fire and killed a TMC leader in Birbhum. pic.twitter.com/KOW2ldlCgy
— ANI (@ANI) March 22, 2022
કહેવામાં આવી રહ્યું છે કે ટીએમસીના જ બે જૂથો વચ્ચે ચાલી રહેલી દુશ્મનાવટને કારણે આ ઘટના બની છે. જેના કારણે મોટી સંખ્યામાં ઘરોમાં તોડફોડ કરવામાં આવી હતી અને તેમને આગ ચાંપી દેવામાં આવી હતી.