દરેક વ્યક્તિ ઈચ્છે છે કે તેની પાસે ઘણા પૈસા હોય. ઘણીવાર એવું જોવા મળે છે કે ક્યારેક મહેનત કર્યા પછી પણ હંમેશા પૈસાની અછત રહેતી હોય છે. વાસ્તુશાસ્ત્ર કહે છે કે કેટલીક એવી વસ્તુઓ છે જે પર્સમાં ન રાખવી જોઈએ. જો આ વસ્તુઓ પર્સમાં રાખવામાં આવે તો તેમને પૈસા ની અછતનો સામનો કરવો પડી શકે છે. તો ચાલો જાણીએ કે તે વસ્તુઓ કઈ છે.
જૂના બિલો અને સ્લિપ્સ: ઘણા લોકો તેમના પર્સમાં સ્લિપ અથવા જૂનું બિલ ઘણા દિવસો સુધી સાચવી રાખે છે. પરંતુ આમ કરવાથી તમને પૈસાનું નુકસાન થઈ શકે છે. વાસ્તુ મુજબ પર્સમાં જૂના બિલ અને વધારાની સ્લિપ ન હોવી જોઈએ અને પર્સને સમયાંતરે સાફ કરવું જોઈએ. કારણ કે પર્સ પણ એક રીતે માતા લક્ષ્મીનું સ્થાન છે.
ચાવી અથવા ધાતુની વસ્તુઓ: ઘણીવાર લોકો પોતાના પર્સમાં ચાવી વગેરે મૂકે છે અથવા તો ક્યારેક એવું જોવા મળે છે કે લોકો પર્સમાં નાની છરી રાખે છે પરંતુ વાસ્તુમાં તે શુભ માનવામાં આવતું નથી. તેનાથી પૈસાની અછત થઈ શકે છે.
મૃત લોકોના ફોટા: કેટલીક વાર લોકો તેમના પર્સમાં તેમના પૂર્વજોના ફોટાને યાદ તરીકે રાખે છે પરંતુ વાસ્તુ કહે છે કે તે ન થવું જોઈએ. તેનાથી નકારાત્મક ઊર્જા પ્રવાહ થાય છે, જેના કારણે પૈસાની સમસ્યાઓ થઈ શકે છે.
ઈશ્વરની તસવીરો: ઘણીવાર લોકો પોતાના પર્સમાં ભગવાનની તસવીર પણ મૂકે છે. વાસ્તુ કહે છે કે પર્સમાં ભૂલથી પણ આપણે ભગવાનની તસવીર ન લગાવવી જોઈએ, કારણ કે આપણે પર્સને ક્યારેક ગંદા હાથથી સ્પર્શ પણ કરીએ છીએ. આથી એવું માનવામાં આવે છે કે આનાથી માતા લક્ષ્મી ગુસ્સે થઈ શકે છે અને તમારે પૈસાની સમસ્યાનો સામનો કરવો પડી શકે છે.
