દુકાન સીઝ થવા પર ધ્રુસકે ને ધ્રુસકે રડી હતી ‘ગ્રેજ્યુએટ ચાયવાલી’, હવે મદદે આવ્યો સોનુ સૂદ
સોનુ સૂદે જે રીતે કોરોનાના સમયમાં લોકોની મદદ કરી છે. તેના ફેન્સ તેને ‘મસીહા’ કહેવા લાગ્યા છે. તેને મદદ કરવાની આ પ્રક્રિયા હજુ પણ ચાલુ રાખી છે. સોનુ સૂદના ઘરની બહાર લોકોની લાંબી લાઈનો લાગે છે જેઓ તેમની પાસે ઘણી અપેક્ષાઓ સાથે આવે છે. સોનુ કોઈની બીમારી અને કોઈની નોકરી માટે કોઈને કોઈ વ્યવસ્થા કરતો જોવા મળે છે. હવે સોનુ સૂદ બિહારની ‘ગ્રેજ્યુએટ ચાયવાલી’ તરીકે જાણીતી પ્રિયંકા ગુપ્તાની મદદ માટે આગળ આવ્યો છે.
પ્રિયંકાનો વીડિયો વાયરલ થયો હતો
ખરેખરમાં પ્રિયંકા પટનામાં પોતાની ચાની દુકાન ચલાવે છે. થોડા સમય પહેલા પટના મ્યુનિસિપલ કોર્પોરેશને અતિક્રમણ દૂર કરતી વખતે તેની દુકાન સિઝ કરી હતી. પ્રિયંકાએ સોશિયલ મીડિયા પર એક વીડિયો શેર કર્યો હતો જેમાં તે રડી રહી હતી અને મદદ માટે વિનંતી કરી રહી હતી. તેણે કહ્યું કે પટનામાં ઘણી ગેરકાયદે પ્રવૃત્તિઓ થાય છે પરંતુ તેની દુકાનને નિશાન બનાવવામાં આવી હતી. પ્રશાસન ઈચ્છે છે કે જો તે છોકરી છે તો તે ઘરે બેસીને ભોજન રાંધે. તેણે દાવો કર્યો હતો કે વહીવટીતંત્ર તેનો ધંધો બંધ કરવા માંગે છે. પ્રિયંકાનો આ વીડિયો વાયરલ થયો હતો.
સોનુ સૂદે મદદ કરી
પ્રિયંકા અર્થશાસ્ત્રમાંથી સ્નાતક છે. જ્યારે તેણીને બે વર્ષ સુધી નોકરી ન મળી ત્યારે તેણે આ વર્ષની શરૂઆતમાં પટના મહિલા કોલેજ પાસે ચાની સ્ટોલ ખોલી નાંખ્યો હતો. પ્રિયંકાનો વીડિયો ટ્વિટર પર એક ચેનલ દ્વારા શેર કરવામાં આવ્યો હતો જેના પર સોનુ સૂદે પ્રતિક્રિયા આપી હતી. તેણે લખ્યું, ‘પ્રિયંકાની ચાની દુકાન માટે જગ્યા ગોઠવો. હવે પ્રિયંકાને ત્યાંથી કોઈ હટાવશે નહીં. જલ્દી બિહાર આવીશ અને તમારા હાથની ચા પીશ. જય હિંદ.’
તમને જણાવી દઈએ કે પ્રિયંકાનો વીડિયો વાયરલ થયા બાદ વહીવટીતંત્રે તેને ખાતરી આપી હતી. જે બાદ તેણે તેનો તે વીડિયો ડિલીટ કરી દીધો હતો.
