રશિયા સામે લડવા માટે યુક્રેનિયને આ રીતે બદલી લક્ઝરી કાર, ફીચર્સ જોઈને વિશ્વાસ નહીં આવે

રશિયન હુમલાના કારણે યુક્રેનમાં તબાહી મચી ગઈ છે. યુક્રેન માટે દરરોજ એક નવો પડકાર લાવે છે. આવી સ્થિતિમાં યુક્રેનના નાગરિકોનો પોતાના દેશની રક્ષા કરવાનો ઉત્સાહ ખરેખર પ્રશંસનીય છે.

યુક્રેનિયનો કરી રહ્યા છે દેશનું રક્ષણ

યુક્રેનિયનોએ રશિયન સેના સામે લડવા માટે BMW 6 સિરીઝમાં કેટલાક ફેરફારો કર્યા છે. તમને જણાવી દઈએ કે તેમાં ફેરફાર કર્યા બાદ તેમાં એક મશીનગન લગાવવામાં આવી છે. લક્ઝરી કારમાં મશીનગન મૂકવી યુક્રેન પાસે પોતાનો બચાવ કરવા માટે શસ્ત્રો અને મશીનોનો અભાવ દર્શાવે છે.

લક્ઝરી કારમાં કર્યા ફેરફારો

યુક્રેનિયન શહેર માયકોલાઈવના સ્થાનિકોએ તેમની BMW 6 સિરીઝમાં ફેરફાર કરીને ટ્રંક-માઉન્ટેડ મશીન ગન લગાવી હતી જેથી તેઓ રશિયન સૈન્ય સામે ચાલી રહેલા યુદ્ધનો સામનો કરી શકે.

#Ukraine: A open top BMW 6 series with a NSV 12,7×108 heavy machine gun mounted – is not something you see everyday. pic.twitter.com/wWGrg5ddEU

— 🇺🇦 Ukraine Weapons Tracker (@UAWeapons) March 14, 2022

વીડિયો ટ્વિટર પર પોસ્ટ કર્યો

યુક્રેન વેપન્સ ટ્રેકરે ટ્વિટર પર એક વીડિયો પોસ્ટ કરીને આ જાણકારી આપી છે. એવું માનવામાં આવે છે કે તે V8 એન્જિન દ્વારા સંચાલિત થઈ શકે છે. યુક્રેને પોતાની સુરક્ષા માટે આ લક્ઝરી કારને વોર કારમાં કન્વર્ટ કરવાનો નિર્ણય લીધો હતો.

રશિયાને પડકારવાની અનોખી રીત

તમને જણાવી દઈએ કે યુદ્ધના મેદાનમાં તૈનાત આ લક્ઝરી કારના પાછળના બમ્પરમાં એક સ્ટીકર લાગેલું છે જે સીધી રીતે રશિયન યુદ્ધ જહાજને અભદ્ર ભાષામાં પડકારે છે. રશિયાના સૈનિકોને પડકારવાની આ અનોખી રીત છે.