જ્યારે અનંત અંબાણી અને રાધિકા મર્ચન્ટ રાજસ્થાનના નાથદ્વારા સ્થિત શ્રીનાથજી મંદિરમાં સગાઈ કરીને મુંબઈ પરત ફર્યા ત્યારે તેમનું ભવ્ય સ્વાગત કરવામાં આવ્યું હતું. આ તસવીર ત્યારે લેવામાં આવી છે જ્યારે બંને પોતાના પરિવાર સાથે અંબાણી હાઉસ, એન્ટિલિયા પહોંચ્યા હતા.
અનંત અંબાણી અને રાધિકા મર્ચન્ટને અભિનંદન આપવા એન્ટિલિયા પહોંચનારા પ્રથમ સ્ટાર્સમાં પતિ-પત્ની રણબીર કપૂર અને આલિયા ભટ્ટ હતા. આ કપલ તેમના મિત્ર અને નિર્દેશક અયાન મુખર્જી સાથે પાર્ટીમાં પહોંચ્યું હતું.
અનંત અંબાણી અને રાધિકા મર્ચન્ટની પાર્ટીમાં અભિનેતા રણવીર સિંહ પણ સ્ટાઇલિશ અંદાજમાં પહોંચ્યો હતો. ચાહકો અપેક્ષા રાખતા હતા કે રણવીર તેની પત્ની, અભિનેત્રી દીપિકા સાથે આવશે પરંતુ તેમ થયું નહીં; અભિનેતા એકલો આવ્યો હતો.
અંબાણી પરિવાર દ્વારા આયોજિત આ સેલિબ્રેશનમાં શ્રીદેવીની પુત્રી અને અભિનેત્રી જાન્હવી કપૂર પણ જોવા મળી હતી. નેટ સાડીમાં જાહ્નવીના સુંદર દેખાવે લોકોને અભિનેત્રીના દિવાના બનાવી દીધા હતા.
આ મોટી ઉજવણીમાં ‘દબંગ’ અભિનેતા સલમાન ખાન પણ આવ્યો હતો. જો કે સલમાને પેપ્સની સામે ઉભા રહીને પોઝ આપ્યો ન હતો, પરંતુ આ ફોટો ત્યારે ક્લિક કરવામાં આવ્યો હતો જ્યારે અભિનેતા પાર્ટીમાં હાજરી આપીને પાછો જઈ રહ્યો હતો.
જણાવી દઈએ કે બોલિવૂડના ‘બાદશાહ’ શાહરૂખ ખાન પોતાની મેનેજર પૂજા દદલાની સાથે મુકેશ અંબાણીના ઘરે પહોંચ્યો હતો. અહીં આપણે શાહરૂખની ઝલક તો નથી જોઈ શકતા પરંતુ તેના મેનેજરનો ચહેરો ચોક્કસથી જોઈ શકાય છે. આ વખતે શાહરૂખે પાપારાઝીની સામે બિલકુલ પોઝ આપ્યો ન હતો.