મહાન અર્થશાસ્ત્રી અને રાજદ્વારી આચાર્ય ચાણક્યએ અનિતિ શાસ્ત્ર નામના પુસ્તકમાં જીવન સંબંધિત ઘણા પાઠ આપ્યા છે, જેને ચાણક્ય નીતિ તરીકે ઓળખવામાં આવે છે. ચાણક્યએ સ્ત્રી-પુરુષ વિશે ઘણા નિયમો અને વાતો જણાવી છે, જેને અનુસરીને વિવાહિત જીવનને સુખી બનાવી શકાય છે. પોતાના પુસ્તકમાં તેમણે એવી વાતોનો ઉલ્લેખ કર્યો છે, જે ભૂલથી પણ પત્નીને ના જણાવવી જોઈએ.
તમારી નબળાઈ ક્યારેય ન કહો
આચાર્ય ચાણક્યએ કહ્યું છે કે કોઈ પણ પુરુષે ધ્યાન રાખવું જોઈએ કે તેણે ભૂલથી પણ પોતાની નબળાઈઓ વિશે પત્નીને ન જણાવવું જોઈએ. ચાણક્ય નીતિમાં કહેવામાં આવ્યું છે કે પુરુષોએ પોતાની નબળાઈને હંમેશા પત્નીથી છુપાવવી જોઈએ.
અપમાન વિશે કહો નહીં
ચાણક્ય નીતિમાં ઉલ્લેખ કરવામાં આવ્યો છે કે પુરુષોએ ક્યારેય પણ તેમની પત્નીને તેમના અપમાનની વાત ન કરવી જોઈએ. આચાર્ય ચાણક્યએ કહ્યું છે કે પત્ની ક્યારેય પણ પોતાના પતિનું અપમાન સહન કરી શકતી નથી અને જો તેને તેની જાણકારી મળે તો વિવાદ વધી શકે છે.
તમારી પત્નીને દાનની માહિતી આપશો નહીં
ઘણા શાસ્ત્રોમાં ઉલ્લેખ છે કે દાન હંમેશા ગુપ્ત રીતે કરવું જોઈએ અને આચાર્ય ચાણક્યએ પણ કહ્યું છે કે દાન હંમેશા ગુપ્ત રાખવું જોઈએ. ચાણક્ય નીતિમાં કહેવામાં આવ્યું છે કે જો તમે ક્યારેય દાન કરો છો તો આ માહિતી પત્નીને પણ ન આપવી જોઈએ.
કમાણીની સંપૂર્ણ વિગતો ક્યારેય ન આપો
ચાણક્ય નીતિ અનુસાર, કોઈ પણ પુરુષે ક્યારેય તેની પત્નીને તેની કમાણી વિશે સંપૂર્ણ રીતે જણાવવું જોઈએ નહીં. આચાર્ય ચાણક્યએ કહ્યું છે કે જો પત્નીને તેના પતિની ચોક્કસ કમાણી વિશે ખબર હોય તો તે વધુ ખર્ચ કરશે, જ્યારે તેની પાસે સંપૂર્ણ માહિતી ન હોય તો તે ખર્ચને નિયંત્રણમાં રાખશે.