ક્રિકેટ ઈતિહાસની સૌથી શરમજનક મેચ, ટીમ માત્ર 2 રનમાં ઓલઆઉટ થઈ ગઈ

લેટેસ્ટ News અને Videos માટે પેજ લાઈક કરો

ક્રિકેટના મેદાન પર ગમે ત્યારે અનોખી ઘટના બનતી હોય છે. ક્યારેક રમતમાં એવું પણ જોવા મળી જાય છે જેની કોઈ કલ્પના ન નથી હોતી. આવું જ કંઈક એક કાઉન્ટી મેચમાં જોવા મળ્યું છે. જ્યાં એક ટીમ માત્ર 2 રનમાં ઓલઆઉટ થઈ ગઈ હતી જેના કારણે તેને ખરાબ હારનો સામનો કરવો પડ્યો છે.

ક્રિકેટમાં આવું પ્રથમવખત જોવા મળ્યું છે કે, જ્યાં એક ટીમ માત્ર 2 રનમાં ઓલઆઉટ થઈ ગઈ હોય. એટલું જ નહીં ટીમનો એકપણ બેટ્સમેન ખાતુ પણ ખોલાવી શક્યો નહોતો. બકડન ક્રિકેટ ક્લબ અને ફાલ્કન્સ હંટિન્ગડનશાયર વચ્ચે કાઉન્ટી લીગની એક મેચ રમાઈ રહી હતી. આ મેચમાં ફાલ્કન્સ દ્વારા પ્રથમ બેટિંગ કરતા બકડને 261 રનનો ટાર્ગેટ આપવામાં આવ્યો હતો.

આ ટાર્ગેટનો પીછો કરવા ઉતરેલી બકડનની ટીમ માત્ર 2 રનમાં ઓલઆઉટ થઈ ગઈ અને 258 રનના અંતરે મેચ ગુમાવી દીધી હતી. રસપ્રદ વાત એ રહી કે, ટીમનો એકપણ બેટ્સમેન ખાતુ ખોલાવી શક્યો નહોતો. જે બે રન બન્યા તે પણ વાઇડ અને બાયથી બન્યા હતા. જો એક્સ્ટ્રા રન ન હોત તો સંપૂર્ણ ટીમ શૂન્ય પર આઉટ ગઈ હોત.

આ મેચમાં ફાલ્કન્સના એક બોલર દ્વારા છ વિકેટ લેવામાં આવી હતું. જેનું નામ અમરદીપ સિંહ હતું. અમરદીપ સિવાય હૈદર અલીએ પણ બે વિકેટ લીધી હતી. ક્રિકેટ ઈતિહાસમાં આટલી શરમજનક બેટિંગ અત્યાર સુધી જોવા મળી નથી.

દરેક લેટેસ્ટ News અને Videos માટે લાઈક કરો