ક્યારેક એવા મામલા કોર્ટ સુધી પહોંચે છે, જેના વિશે સાંભળીને દરેકને આશ્ચર્ય થાય છે. આવો જ એક કિસ્સો સંયુક્ત આરબ અમીરાત (UAE)માં જોવા મળ્યો. બકરી અંગેનો મામલો અહીંની કોર્ટમાં પહોંચ્યો હતો. જો કે કોર્ટે આ મામલાની સુનાવણી પણ કરી અને ચુકાદો પણ આપ્યો હતો.
બકરીના વેચાણનો હતો મામલો
અહેવાલ મુજબ આ મામલો હોર્સ ટ્રેડિંગનો છે. એક વ્યક્તિ કોર્ટમાં એટલા માટે પહોંચ્યો કે ખરીદનારએ તેની પાસેથી ખરીદેલા બકરાની રકમ ચૂકવી ન હતી. આ બકરીની કિંમત 19,000 દિરહામ (લગભગ સાડા 9 લાખ રૂપિયા) છે.
કોર્ટ પહોંચ્યા બે વ્યક્તિઓ
બકરીના વિવાદને લઈને બે વ્યક્તિઓ રાસ અલ ખૈમાહની સિવિલ કોર્ટમાં પહોંચ્યા હતા. અરજદારે કોર્ટને કહ્યું કે આરોપીએ તેની પાસેથી 19 હજાર દિરહામમાં એક બકરી ખરીદી હતી અને બાદમાં તેની ચુકવણી કરવાનો ઇનકાર કર્યો હતો.
બકરી વેચવાનું કામ સોંપ્યું
પીડિતે જણાવ્યું કે આરોપી જાહેર પ્રાણીઓની હરાજી ચલાવતો હતો. આવી સ્થિતિમાં તેણે આરોપીને 19,000 દિરહામમાં બકરી વેચવાનું કામ સોંપ્યું હતું. એવામાં બકરીને વેચતા પહેલા, બકરીની તપાસ કરવામાં આવી, આરોપીએ દાવો કર્યો કે પ્રાણી બીમાર છે અને બકરીની કિંમત ન ચૂકવી.
કોર્ટે આદેશ આપ્યો
સિવિલ કોર્ટે કેસની સુનાવણી બાદ આદેશ આપ્યો હતો કે તપાસ બાદ બકરી બીમાર હોવાનું સાબિત થયું નથી. આવી સ્થિતિમાં, આરોપીએ પીડિતને પૂરા 19 હજાર ચૂકવવા જોઈએ અને બકરી લીધાના સમયથી 6 ટકા વાર્ષિક વ્યાજ પણ ચૂકવવું જોઈએ. આ સાથે કોર્ટનો ખર્ચ અને વકીલની ફી પણ ચૂકવવાનો આદેશ આપ્યો.