Lucknow Super Giants Full Squad IPL 2023: T20 ક્રિકેટને યુવા ખેલાડીઓની રમત માનવામાં આવે છે, પરંતુ IPL 2023ની હરાજીમાં કંઈક અલગ જ જોવા મળ્યું. આ હરાજીમાં 40 વર્ષના એક ખેલાડીએ ભાગ લીધો હતો અને ખાસ વાત એ છે કે આ ખેલાડીનો ખરીદનાર પણ મળી ગયો હતો. આ ખેલાડી આઈપીએલના ઈતિહાસના સૌથી સફળ બોલરોમાંથી એક છે. જોકે ગત આઈપીએલ સિઝનમાં કોઈ ટીમે આ ખેલાડીને ખરીદ્યો ન હતો. આ ખેલાડી લખનૌ સુપર જાયન્ટ્સ વતી રમતા જોવા મળશે.
40 વર્ષની ઉંમરે પણ IPLનો ભાગ બન્યો
ટીમ ઈન્ડિયાના પૂર્વ સ્પિનર અમિત મિશ્રા IPLમાં વાપસી કરવામાં સફળ રહ્યો છે. 40 વર્ષીય અમિત મિશ્રાએ ગત સિઝનમાં વેચાયા વગરના રહેવા બાદ આ વખતે પણ IPLમાં પોતાનું નસીબ અજમાવવાનું નક્કી કર્યું હતું. આ વખતે તે હરાજીમાં સૌથી મોટી ઉંમરનો ખેલાડી છે. અમિત મિશ્રા IPL 2023માં લખનૌ સુપર જાયન્ટ્સ તરફથી રમશે. તેને 50 લાખની બેઝ પ્રાઈઝમાં ખરીદવામાં આવ્યો છે.
આઈપીએલના સૌથી સફળ બોલરોમાંથી એક
અમિત મિશ્રા IPLમાં સૌથી વધુ વિકેટ લેનારા બોલર છે. અમિત મિશ્રા છેલ્લે 2021માં IPL રમ્યા હતા. તે પછી તે દિલ્હી કેપિટલ્સનો ભાગ હતો. અમિત મિશ્રાએ તેની IPL કરિયરમાં 154 મેચ રમી હતી. જેમાં તેણે 23.98ની બોલિંગ એવરેજથી 166 વિકેટ લીધી છે. આટલું જ નહીં તેણે IPLમાં 3 વખત હેટ્રિક પણ લીધી છે. તેણે ટીમ ઈન્ડિયા માટે 10 T20, 36 ODI અને 22 ટેસ્ટ મેચ પણ રમી છે.
Thank you @LucknowIPL for the opportunity. Looking forward to the tournament. I will do my best as always. Please continue to support me. #ipl2023 #ipl #lucknowsupergiants
— Amit Mishra (@MishiAmit) December 23, 2022
હરાજી બાદ સોશિયલ મીડિયા પર આ પોસ્ટ કરી હતી
અમિત મિશ્રાએ લખનઉ સુપરજાયન્ટ્સ દ્વારા ખરીદવા પર ટ્વિટ કર્યું અને લખ્યું, ‘તને તક આપવા બદલ લખનૌ સુપર જાયન્ટ્સનો આભાર. ટુર્નામેન્ટને લઈને ઉત્સાહિત. હું મારું સર્વશ્રેષ્ઠ આપવાનો શ્રેષ્ઠ પ્રયાસ કરીશ. કૃપા કરીને મને સપોર્ટ કરતા રહો.
IPL 2023 માટે લખનૌની ટીમ
કેએલ રાહુલ (કેપ્ટન), ક્વિન્ટન ડિકોક, માર્કસ સ્ટોઈનીસ, આયુષ બદોની, કરણ શર્મા, મનન વોહરા, કૃષ્ણપ્પા ગૌતમ, દીપક હુડા, કાયલ મેયર્સ, કુણાલ પંડ્યા, અવેશ ખાન, મોહસીન ખાન, માર્ક વૂડ, મયંક યાદવ, રવિ બિશ્નોઈ