જાપાનના પૂર્વ વડાપ્રધાન શિન્ઝો આબે પર હુમલો થયો છે. પ્રાપ્ત માહિતી અનુસાર, એક કાર્યક્રમ દરમિયાન શિન્ઝો આબે ભાષણ આપી રહ્યા હતા ત્યારે હુમલાખોરે તેમને છાતીમાં ગોળી મારી હતી. જાપાની મીડિયાના સૂત્રોના જણાવ્યા અનુસાર પૂર્વ વડાપ્રધાન શિન્ઝો આબેને ગંભીર હાલતમાં હોસ્પિટલમાં દાખલ કરવામાં આવ્યા છે. એવા પણ સમાચાર છે કે તે હવે તેઓ હયાત નથી.
જાપાનના નારા શહેરમાં હુમલો
જાપાની મીડિયા રિપોર્ટ્સ અનુસાર, શિંઝો આબે નારા શહેરમાં એક કાર્યક્રમમાં ગયા હતા અને જ્યારે તેઓ અહીં ભાષણ આપી રહ્યા હતા ત્યારે અચાનક ફાયરિંગ થતાં તેઓ નીચે પડી ગયા હતા. ઘટનાસ્થળે હાજર લોકોનું પણ કહેવું છે કે જ્યારે શિન્ઝો આબે ભાષણ આપી રહ્યા હતા ત્યારે જ ફાયરિંગનો અવાજ આવ્યો હતો. શિન્ઝો આબેને સીધી છાતીમાં ગોળી વાગી હતી.
ભારત સાથે ગાઢ સંબંધ
તમને જણાવી દઈએ કે, જાપાનના પૂર્વ પીએમ શિન્ઝો આબેનું ભારતના પીએમ નરેન્દ્ર મોદી સાથે ખાસ જોડાણ જોવા મળ્યું છે. તાજેતરમાં 24 મેના રોજ ક્વાડ સમિટમાં ભાગ લેવા જાપાન પહોંચેલા પીએમ મોદી વર્તમાન જાપાનના વડાપ્રધાન ફુશિયો કિશિદા સાથે દ્વિપક્ષીય બેઠક પહેલા જાપાનના ત્રણ ભૂતપૂર્વ વડાપ્રધાનોને મળ્યા હતા. ત્રણ પૂર્વ વડાપ્રધાનો યોશિહિદે સુગા, શિન્ઝો આબે અને યોશિરો મોરી સાથે પીએમ મોદીની આ મુલાકાતની મીડિયામાં ખૂબ ચર્ચા થઈ હતી. તેમાં તેમની શિન્ઝો આબે સાથેની ખાસ કેમિસ્ટ્રી પણ જોવા મળી હતી.