ભારત દેશમાં અને ગુજરાત રાજ્યમાં કોરોનાના કેસોમાં સતત વધારો થઈ રહ્યો છે. ગુજરાતમાં કોરોનાથી ફરી ચિંતાજનક સ્થિતિ સર્જાય તેવું ભયાવહ ચિત્ર સામે આવી રહ્યું છે. ત્યારે છેલ્લા 24 કલાકમાં રાજ્યમાં નવા 140થી વધુ કોરોના કેસ નોંધાયા છે. જોકે ગતરોજ કરતા આજે કોરોનાના કેસો ઓછા નોંધાયા છે. અમદાવાદમાં સૌથી વધુ કોરોના કેસ નોંધાયા છે. જેથી હવે અમદાવાદીઓએ સાવચેત થઇ જવુ જોઇએ.
રાજ્યના આરોગ્ય વિભાગે જારી કરેલા આંકડા મુજબ રાજ્યમાં છેલ્લા 24 કલાકમાં 140 નવા કેસ નોંધાયા છે. જોકે રાહતની વાત એ રહી કે આ સમયગાળા દરમિયાન કોરોનાના કારણે એક પણ મૃત્યુ ન થયું. 24 કલાક દરમિયાન 66 દર્દીઓ સાજા થયા છે. રાજ્યમાં હાલ કુલ 778 એક્ટિવ કેસ છે, આ બધા દર્દીઓ હાલ સ્ટેબલ છે. રાજ્યમાં અત્યાર સુધી 10,945 લોકોના મોત કોરોનાના કારણે થયા છે.
છેલ્લા 24 કલાકમાં અમદાવાદ કોર્પોરેશનમાં 79 જ્યારે ગ્રામ્યમાં 2 નવા કેસ નોંધાયા છે. જ્યારે વડોદરામાં પણ કોરોનાના કેસોમાં મોટો ઉછાળો જોવા મળ્યો છે. વડોદરા કોર્પોરેશનમાં 21 નવા કેસ નોંધાયા છે.સુરતમાં 11, ગાંઘીનગર 5, મહેસાણામાં 4 પોઝિટિવ કેસો નોંધાયા હતા