બળવાખોર નેતાઓ પર ભાજપની મોટી કાર્યવાહી, 7 નેતાઓને સસ્પેન્ડ કર્યા

ગુજરાત વિધાનસભા ચૂંટણી 2022ની તારીખ જેમ જેમ નજીક આવી રહી છે તેમ તેમ રાજકીય ઉત્તેજના વધી રહી છે. ચૂંટણી માટે તમામ પક્ષો પોતાની રણનીતિ તૈયાર કરવામાં વ્યસ્ત છે. ચૂંટણી પ્રચારની પ્રક્રિયા પણ તેજ થઈ ગઈ છે. ગુજરાતની ચૂંટણી આ વખતે ભારતીય જનતા પાર્ટી માટે પ્રતિષ્ઠાનો પ્રશ્ન બની ગઈ છે. ભાજપ દ્વારા ગુજરાત વિધાનસભાની ચૂંટણીમાં જીત સુનિશ્ચિત કરવા માટે તમામ શક્તિ લગાવી રહ્યું છે. આ દરમિયાન સમાચાર આવી રહ્યા છે કે ભાજપે ગુજરાતમાં બળવાખોર નેતાઓ સામે મોટી કાર્યવાહી કરી છે. ભાજપે 7 બળવાખોર નેતાઓને પાર્ટીમાંથી સસ્પેન્ડ કર્યા છે. ટિકિટ ન મળતાં આ નેતાઓએ અપક્ષ ઉમેદવારી નોંધાવી હતી.

7 નેતાઓને પાર્ટીમાંથી સસ્પેન્ડ કર્યા

ગુજરાત ભાજપે બળવાખોર નેતાઓ સામે કાર્યવાહી કરવા અંગે નોટીસ જારી કરી છે. ભાજપના ગુજરાત પ્રદેશ અધ્યક્ષ સીઆર પાટીલે 7 બળવાખોર નેતાઓને પાર્ટીમાંથી હાંકી કાઢ્યા છે. મધુ શ્રીવાસ્તવ, અરવિંદ લાડાણી, દિનુ પટેલ, હર્ષદ વસાવા, ધવલસિંહ ઝાલા સહિત 7 નેતાઓને પાર્ટીમાંથી સસ્પેન્ડ કરવામાં આવ્યા છે.

ત્રણ બળવાખોર નેતાઓએ પાર્ટીમાંથી રાજીનામું આપી દીધું છે

સત્તાધારી ભારતીય જનતા પાર્ટી એ પાર્ટીના બળવાખોર કાર્યકરો હર્ષદ વસાવા, છત્રસિંહ ગુંજારિયા, અરવિંદ લાડાણી, કેતન પટેલ, ભરત ચાવડા, ઉદય શાહ અને કરણ બરૈયાને સસ્પેન્ડ કર્યા છે. ત્રણ વધુ બળવાખોરો મધુ શ્રીવાસ્તવ, દીનુભાઈ પટેલ (દીનુમા), અને ધવલસિંહ ઝાલાને સસ્પેન્ડ કરવામાં આવ્યા નથી કારણ કે તેઓ પહેલેથી જ પક્ષમાંથી રાજીનામું આપી ચૂક્યા છે અને અપક્ષ ઉમેદવારો તરીકે ચૂંટણી લડી રહ્યા છે.

1લી અને 5મી ડિસેમ્બરે મતદાન, 8મી ડિસેમ્બરે પરિણામ

ગુજરાતમાં 182 બેઠકોની વિધાનસભાની ચૂંટણી બે તબક્કામાં યોજાશે. પ્રથમ તબક્કા હેઠળ 1 ડિસેમ્બરે અને બીજા તબક્કા હેઠળ 5 ડિસેમ્બરે મતદાન થશે. બીજી તરફ હિમાચલ પ્રદેશ વિધાનસભા ચૂંટણીના પરિણામોની સાથે 8મી ડિસેમ્બરે પરિણામ પણ જાહેર કરવામાં આવશે.

દરેક લેટેસ્ટ News અને Videos માટે લાઈક કરો