પરિવહન મંત્રાલયે બુધવારે કેટલાક નવા નિયમો જારી કર્યા છે. નવા આદેશમાં કહેવામાં આવ્યું છે કે હવે બાઇક પર બેસતા નાના બાળકો માટે પણ હેલ્મેટ ફરજિયાત કરવામાં આવી છે. મંત્રાલયના જણાવ્યા અનુસાર, જો 4 વર્ષથી ઓછી ઉંમરનું બાળક ટુ-વ્હીલર પર સવાર છે, તો તેણે ક્રેશ હેલ્મેટ પહેરવું જરૂરી છે. આટલું જ નહીં, કેટલાક વધુ રોડ સેફ્ટી નિયમો લાગુ કરવામાં આવી રહ્યા છે.
નોટિફિકેશન મુજબ નવા નિયમો 15 ફેબ્રુઆરી 2023થી લાગુ થશે. અવારનવાર એવું જોવા મળ્યું છે કે લોકો કોઈ સલામતીનાં પગલાં વિના બાળકોને મોટરસાઈકલ કે સ્કૂટર પર લઈ જાય છે. સોશિયલ મીડિયા પર એવી તસવીરો પણ છે, જેમાં એક જ બાઇક પર 5-10 જેટલા બાળકો બેઠેલા છે, પરંતુ આ તેમની સુરક્ષા સાથે મોટી રમત છે, જેના કારણે પરિવહન મંત્રાલયે નવા નિયમો બનાવ્યા છે. ચાલો જાણીએ કે શું છે નવા નિયમોમાં
ક્રેશ હેલ્મેટ પહેરવું જરૂરી:
4 વર્ષથી નાની ઉંમરના બાળકોએ ટુ-વ્હીલ વાહન પર બેસતી વખતે ક્રેશ હેલ્મેટ પહેરવું જરૂરી છે. ક્રેશ હેલ્મેટ એ હેલ્મેટ છે જે સંપૂર્ણ માથું ઢંકાઈ જાય છે, માત્ર કેપ તરીકે પહેરવામાં આવતી હેલ્મેટ નથી. આ નવા નિયમોની રજૂઆત પછી, ભારત પણ પસંદગીના દેશોમાં સામેલ થઈ ગયું છે, જ્યાં ઉંમર અનુસાર સલામતીનાં પગલાં છે અને બાળકો માટે પણ સલામતીનાં પગલાં છે.
સ્પીડ 40 કિમી પ્રતિ કલાકથી વધુ નહીં:
એવું પણ કહેવામાં આવ્યું છે કે જે ટુ-વ્હીલર પર 4 વર્ષથી નાના બાળકો બેઠા હોય તેની સ્પીડ 40 કિલોમીટર પ્રતિ કલાકથી વધુ ન હોવી જોઈએ. જો સ્પીડ ખૂબ જ ઝડપી હોય તો બાળક હેલ્મેટ પહેર્યું હોવા છતાં પડી જાય તો ઈજા થઈ શકે છે. આટલું જ નહીં, સેફ્ટી હાર્નેસ હોવા છતાં હાઇસ્પીડ બાઇક પરથી પડી જવાથી નાનું બાળક ગંભીર રીતે ઘાયલ થઇ શકે છે, તેથી સ્પીડ પર પણ નિયંત્રણો મૂકવામાં આવ્યા છે.
MoRTH has made mandatory a safety harness and crash helmet for children below 4 years being carried on a two-wheeler with a restricted speed limit of 40 kmph.
These rules will come into force from 15 February 2023. pic.twitter.com/Nwmjz1wpgA— MORTHINDIA (@MORTHIndia) February 16, 2022
સેફ્ટી હાર્નેસ પણ જરૂરી:
જો બાઈક પર સવાર વ્યક્તિની પાછળ બાળક બેઠું હોય તો તેના માટે પૂરતી સુરક્ષા વ્યવસ્થા હોવી જરૂરી છે. આ હેઠળ, બાળક માટે સેફ્ટી હાર્નેસ હોવી જોઈએ, જેથી બાળક પાછળથી ન પડી જાય. સેફ્ટી હાર્નેસ બાળકોને રાઇડર સાથે જોડી રાખે છે અને 30 કિગ્રા વજન ઉઠાવી શકે છે. તો જો તમે પણ તમારા નાના બાળકને બાઇક પર લઈને ક્યાંક ફરવા જાવ છો તો નિયમોનું ધ્યાન રાખો.