મુંબઈના ખારમાં રહેતો એક વ્યક્તિ ઓનલાઈન સાઈટ પર મસાજરની શોધમાં હતો પરંતુ પછી તેના પગ નીચેથી જમીન સરકી ગઈ. વ્યક્તિએ એસ્કોર્ટ સાઇટ પર તેની પત્ની અને તેની બહેનના ચિત્રો જોયા. આ કેસમાં પોલીસે રેશ્મા યાદવ નામની મહિલાની ધરપકડ કરી છે.
પોલીસને શંકા છે કે રેશ્મા યાદવ આ ગેંગની સભ્ય છે, જે સોશિયલ મીડિયા પરથી અજાણી સુંદર મહિલાઓના ફોટા લઈને એસ્કોર્ટ અને મસાજ સાઇટ્સ પર અપલોડ કરતી હતી. જ્યારે વ્યક્તિએ એસ્કોર્ટ સાઇટ પર તેની પત્ની અને બહેનની તસવીર જોઈ તો તેણે બંનેને જાણ કરી અને પછી તેણે કહ્યું કે આ તસવીર 3થી 4 વર્ષ જૂની છે અને કોઈએ તેનો દુરુપયોગ કર્યો છે.
જ્યારે વ્યક્તિએ સાઇટ પર આપેલા નંબર પર ફોન કર્યો, ત્યારે રેશમ યાદવ નામની મહિલાએ ફોન ઉપાડ્યો અને ખારની એક હોટલમાં મીટિંગનું સ્થળ નક્કી કર્યા પછી વ્યક્તિને ત્યાં બોલાવ્યો.
આ વ્યક્તિ તેની પત્ની અને બહેન સાથે હોટલ પર પહોંચ્યો જ્યાં મહિલાએ તેમને મળવા માટે બોલાવ્યા હતા. જ્યારે મહિલા ત્યાં પહોંચી તો પુરુષની પત્ની અને બહેને તેને પૂછ્યું કે તેણે આ તસવીર ક્યાંથી અને કેવી રીતે લીધી અને તેને આવી ઘૃણાસ્પદ સાઈટ પર શા માટે અપલોડ કરી? ત્યારબાદ મહિલાએ બંને સાથે ઝઘડો શરૂ કર્યો અને ત્યાંથી ભાગવાનો પ્રયાસ કર્યો. આથી ત્રણેય જણા તે મહિલાને પકડીને પોતાની સાથે પોલીસ સ્ટેશન લઈ ગયા.
પોલીસે સમગ્ર મામલાની તપાસ કરી અને મહિલાને દોષી જાહેર કર્યા બાદ પોલીસે કેસ નોંધીને મહિલાની ધરપકડ કરી. આરોપી મહિલાનું નામ રેશ્મા યાદવ છે અને હાલ કોર્ટે તેને જ્યુડિશિયલ કસ્ટડીમાં મોકલી છે. પોલીસે લોકોને સોશિયલ મીડિયા પર તેમના ફોટા પોસ્ટ કરતી વખતે સાવચેત રહેવા અને મોટાભાગે તેમની પ્રોફાઇલને લોક રાખવાની અપીલ કરી છે.