આપણે બધા જાણીએ છીએ કે બોલીવુડ અભિનેતા ઇમરાન હાશ્મી ભટ્ટ પરિવારના નિર્માતાઓની પહેલી પસંદ છે. આ સાથે એમ પણ કહેવામાં આવે છે કે ઈમરાન હાશ્મી મુખ્યત્વે હિન્દી ફિલ્મોમાં કામ કરે છે, તેમ જ તેની મોટાભાગની ફિલ્મો હિટ હોય છે. તે ફિલ્મોમાં તેની બોલ્ડ શૈલી માટે જાણીતો છે અને આ જ કારણ છે કે તેમને ફિલ્મ ઉદ્યોગમાં ‘સિરીયલ કિસર’નું બિરુદ મળ્યું છે. તેમની ફિલ્મોના ગીતો ખૂબ અસરકારક હોય છે અને સરળતાથી લોકોની જીભ સુધી પહોંચી જાય છે.
પોતાના જોરદાર અભિનયના જોરે ઇમરાને ઘણી હિટ ફિલ્મો આપી છે અને લોકોના હૃદયમાં સ્થાન પણ બનાવ્યું છે. આ સાથે જ તમને જણાવી દઈએ કે આજે તેઓ બોલીવુડના ટોચના કલાકારોમાં ગણાય છે. જોકે શરૂઆતમાં, ઇમરાને પણ ઘણો સંઘર્ષ કરવો પડ્યો હતો. તેની ફિલ્મ કારકીર્દિની શરૂઆત ફિલ્મ ‘ફૂટપાથ’ થી થઈ હતી.
આ ફિલ્મમાં ઇમરાનના અભિનયની ટીકાકારોએ ખૂબ પ્રશંસા કરી હતી, ત્યારબાદ તેણે ઘણી નાની ફિલ્મોમાં અભિનય કર્યો હતો. જોકે તેની મોટાભાગની ફિલ્મો સરેરાશથી ઉપર રહી હતી અને તેને પ્રેક્ષકોનો પણ ઘણો પ્રેમ મળ્યો છે. પરંતુ આજે અમે તમને ઇમરાન વિશે એક એવી વાત જણાવવા જઈ રહ્યા છીએ કે જેના વિશે ભાગ્યે જ કોઈને ખબર હશે. ઈમરાન હાશ્મીની બહેન ઘણા વર્ષોથી બોલિવૂડમાં કામ કરે છે અને તે એક જાણીતી અભિનેત્રી છે.
ખરેખર તમને એ સાંભળીને આશ્ચર્ય થશે કે ઈમરાન હાશ્મીની બહેનનું નામ આલિયા ભટ્ટ છે. હા, આલિયા ભટ્ટ અને ઇમરાન હાશ્મી એકબીજાના કઝીન ભાઈ બહેન છે.
હવે તમે વિચારતા જ હશો કે આવું કેવી રીતે હોઈ શકે, તો પછી તમને જણાવી દઈએ કે ઇમરાન હાશ્મીની દાદીની બહેન શિરીન મોહમ્મદ અલી હતી. શિરીન મોહમ્મદ અલી મહેશ ભટ્ટ અને મુકેશ ભટ્ટની માતા હતી. ઇમરાન અને આલિયા આ સંબંધથી ભાઈ-બહેન છે. આ સંબંધ મુજબ જ્યારે એક વખત ફિલ્મ નિર્માતાએ આલિયા ભટ્ટ સાથે કામ કરવાની દરખાસ્ત સાથે ઇમરાન હાશ્મીનો સંપર્ક કર્યો ત્યારે ઇમરાન આલિયાનો ભાઈ બન્યો હતો. તમને જણાવી દઈએ કે આલિયા ભટ્ટ બોલિવૂડના જાણીતા નિર્દેશક મહેશ ભટ્ટની પુત્રી છે.
