બોર્ડર-ગાવસ્કર ટ્રોફી ટેસ્ટ શ્રેણી હાલમાં ભારત અને ઓસ્ટ્રેલિયા વચ્ચે રમાઈ રહી છે. આ પછી, ત્રણ મેચની વનડે શ્રેણી રમવાની છે. ટેસ્ટ સિરીઝમાં ટીમ ઈન્ડિયાની કપ્તાની રોહિત શર્મા સંભાળી રહ્યો છે. ભારતીય ક્રિકેટ કંટ્રોલ બોર્ડ (BCCI) પહેલાથી જ વન-ડે શ્રેણીમાં તેની કેપ્ટનશીપ અંગે અપડેટ આપી ચૂક્યું છે. કેટલાક લોકો આ વિશે જાણતા નથી.
રોહિત વન-ડે સિરીઝમાં કેપ્ટનશિપ નહીં સંભાળે?
ઓસ્ટ્રેલિયા સામેની ત્રણ મેચની વનડે સીરીઝ માટે ભારતીય ટીમની જાહેરાત પહેલા જ કરી દેવામાં આવી છે. ભારતીય ક્રિકેટ કંટ્રોલ બોર્ડ (બીસીસીઆઈ) એ દિલ્હીમાં શ્રેણીની બીજી ટેસ્ટ મેચ પૂરી થયાના થોડા કલાકો બાદ ટીમની જાહેરાત કરી હતી. સીરીઝની શરૂઆતની વનડેમાં ઓપનર રોહિત શર્મા સુકાની પદ સંભાળશે નહીં. આ જાણકારી ખુદ BCCIએ આપી છે.
માત્ર પ્રથમ વનડેનો ભાગ નહીં હોય
ટીમની જાહેરાત કરવાની સાથે જ બીસીસીઆઈએ જણાવ્યું કે રોહિત શર્મા સીરિઝની શરૂઆતની વન-ડે માં કેપ્ટનશીપ નહીં સંભાળે. તે આ મેચનો ભાગ નહીં હોય. રોહિત પારિવારિક કારણોસર ટીમનો ભાગ બની શકશે નહીં. આ દરમિયાન ઓલરાઉન્ડર હાર્દિક પંડ્યા ટીમની કમાન સંભાળશે. ઈશાન કિશનને વિકેટકીપર તરીકે ટીમમાં સામેલ કરવામાં આવ્યો છે. રવિન્દ્ર જાડેજાને પણ જગ્યા આપવામાં આવી છે પરંતુ અશ્વિન ટીમનો ભાગ નથી. કુલદીપ યાદવ અને યુઝવેન્દ્ર ચહલ, બંને સ્પિનરોને ટીમમાં સામેલ કરવામાં આવ્યા છે.
આ શ્રેણી 17 માર્ચથી શરૂ થશે
ભારત અને ઓસ્ટ્રેલિયા વચ્ચે શ્રેણીની પ્રથમ વનડે 17 માર્ચે મુંબઈમાં રમાશે. આ પછી, બીજી વનડે 19 માર્ચે વિશાખાપટ્ટનમમાં રમાશે, જ્યારે શ્રેણીની ત્રીજી અને અંતિમ વનડે 22 માર્ચે ચેન્નાઈમાં રમાશે.
ઓસ્ટ્રેલિયા સામેની વનડે શ્રેણી માટે ટીમ ઈન્ડિયાઃ રોહિત શર્મા (કેપ્ટન – છેલ્લી 2 વનડેમાં), શુભમન ગિલ, વિરાટ કોહલી, શ્રેયસ ઐયર, સૂર્યકુમાર યાદવ, કેએલ રાહુલ, ઈશાન કિશન (વિકેટ-કીપર), હાર્દિક પંડ્યા (વાઈસ-કેપ્ટન), રવિન્દ્ર જાડેજા, કુલદીપ યાદવ, વોશિંગ્ટન સુંદર, યુઝવેન્દ્ર ચહલ, મોહમ્મદ શમી, મોહમ્મદ સિરાજ, ઉમરાન મલિક, શાર્દુલ ઠાકુર, અક્ષર પટેલ અને જયદેવ ઉનડકટ.